Ռուսաստանը պատրաստ է միջուկային զենք կիրառել. Պուտին

Ռուսաստանը պատրաստ է միջուկային զենք կիրառել: Այս մասին ասել է ՌԴ նախագահ Վլադիմիր Պուտինը «Ռոսիա 1»-ի և «ՌԻԱ Նովոստի»-ի լրագրող Դմիտրի Կիսելևին տված հարցազրույցում։

«Զենքը գոյություն ունի, որպեսզի օգտագործվի: Մենք ունենք մեր սկզբունքները՝ համաձայն որոնց մենք պատրաստ ենք օգտագործել զենք, այդ թվում՝ ցանկացած զենք, այդ թվում՝ ձեր նշածըեթե մենք խոսում ենք ռուսական պետության գոյության, մեր ինքնիշխանության ու անկախության վնասի մասին։ Ամեն ինչ նշված է մեր ռազմավարության մեջ, մենք այն չենք փոխել»,- ասել է նա՝ պատասխանելով միջուկային զենք օգտագործելու իր պատրաստակամության մասին հարցին։

Պուտինը չի բացառել նաև, որ եթե ԱՄՆ-ն միջուկային փորձարկումներ իրականացնի, Ռուսաստանը կարող է նույնը անել։

«Եթե նման թեստեր անցկացնեն, ես դա չեմ բացառում: Մեզ դա պետք չէ, դեռ պետք է մտածել դրա մասին, բայց ես չեմ բացառում, որ մենք կարող ենք նույնը անել», - ասել է ՌԴ նախագահը: