Փաշինյանի ռեժիմը պատրաստվում է Ռուսաստանի հետ հարաբերությունների լիակատար խզման. Դմիտրի Ռոդիոնով

Ինովացիոն զարգացման ինստիտուտի աշխարհաքաղաքական հետազոտությունների կենտրոնի տնօրեն Դմիտրի Ռոդիոնովը Alpha News-ին մեկնաբանել է լուրերն այն մասին, որ «Զվարթնոց» օդանավակայանում ռուս սահմանապահների ներկայության հարցը Հայաստանի իշխող կուսակցության օրակարգում է։

Ըստ քաղաքագետի՝ հարցը ոչ թե սահմանապահների, այլ Ռուսաստանի հետ բարեկամության խորհրդանիշների ոչնչացման մասին է։

«Սա ՀՀ վարչապետ Նիկոլ Փաշինյանի ռեժիմի կողմից նման ոչ բարեկամական առաջին քայլը չէ։ Այս ամենը տեղավորվում է Հայաստանի ղեկավարության կողմից ձեռնարկվող վերջին քայլերի ընդհանուր խստության մեջ: Հետևաբար, այստեղ զարմանալու և վրդովվելու ոչինչ չկա։ Այստեղ պետք է հասկանալ, որ այս ամենը ընդհանուր ծրագիր է, որի նպատակն է Ռուսաստանի ամբողջական հեռացումն Անդրկովկասյան տարածաշրջանից։

Խոսքն այստեղ սահմանապահների մեջ չէ, որոնք, բնականաբար, ոչ ոքի չեն խանգարում, այլ Ռուսաստանի հետ բարեկամության խորհրդանիշների, հայ հասարակության հավատի ոչնչացման մասին է, որ Ռուսաստանը չի կարող լինել անվտանգության երաշխավոր, ինչում փաշինյանական պաշտոնյաները փորձում են համոզել հայ ժողովրդին վերջին մի քանի տարիներին։ Նրանք մանտրայի պես պարբերաբար կրկնում են, որ Ռուսաստանը չի կարող Հայաստանի անվտանգության երաշխավոր լինել»,- ասել է Ռոդիոնովը։

Քաղաքագետի խոսքով ՝ հաջորդ քայլերը կլինեն Հավաքական անվտանգության պայմանագրի կազմակերպությունից (ՀԱՊԿ) Հայաստանի դուրս գալը և ռուսական ռազմակայանի դուրսբերումը Հայաստանից։

«Այսինքն՝ նախ հանվում են խորհրդանիշները, ոչնչացվում է հավատը։ Դրանից հետո գործն արդեն կհասնի ՀԱՊԿ-ից իրական դուրս գալուն, արդեն ոչ թե սառեցմանը, այլ պաշտոնական դուրս գալուն ։ Եվ, իհարկե, հաջորդ քայլը լինելու է Հայաստանից ռուսական ռազմաբազայի հեռացումը։ Այս ամենը չի կարելի արագ անել, քանի որ հասարակությունը կվրդովվի, հասարակությունը չի հասկանա։ Հասարակությունը դեռ ռուսամետ տրամադրություններ ունի, բայց ահա այսպիսի մանր քայլերով Փաշինյանի ռեժիմը պատրաստվում է Ռուսաստանի հետ լիակատար խզման», — եզրափակել է Ռոդիոնովը։