13 02 2024

Իշխանությունը խաբում է վարդենիսցիներին. Թագուհի Թովմասյան

ՀՀ ԱԺ պատգամավոր Թագուհի Թովմասյանը ֆեյսբուքյան իր էջում գրել է.

«Նիկոլ Փաշինյանի իշխանությունը ստախոսության նոր ռեկորդներ է սահմանում: ՀՀ քաղաքացիներին խաբելով, սուտ պայքարի իմիտացիաներով իշխանության գալով, Նիկոլ Փաշինյանն ու իրեն շրջապատող կիսատառաճանաչները հիմա էլ վարդենիսցիներին են խաբում:

Երեկ բազմաթիվ քաղաքացիներ զայրացած փակել էին Վարդենիսի ավտոճանապարհը՝ դժգոհելով, որ պետական մարմինները հերթով փակվում են Վարդենիսում և վերջինը անձնագրային ծառայությունն է:

Ե՛ւ մարզպետը, և՛ անձնագրային ծառայության պատասխանատուները, և՛ Նիկոլ Փաշինյանը քաղաքացիներին մոլորեցնող հայտարարություններ են անում այս օրերին: Իսկ իրականությունը, ինչպես միշտ, այլ է:

Այս տարվա հունվարի 23-ին գրությունով պարզաբանում էի պահանջել ՀՀ ՆԳՆ Վահե Ղազարյանից, թե ինչու են փակվում Վարդենիսի և Ճամբարակի անձնագրային ծառայությունները համայնքներում, նաև ներկայացրել էի, թե ինչ վատ ազդեցություն է ունեցել այդ որոշումը հանրության շրջանում:

Օրերս ստացել եմ նախարարի գրավոր պարզաբանումը, որտեղ սևով սպիտակի վրա գրված է, որ օպտիմալացվելու են անձնագրային ծառայությունները սահմանամերձ համայնքներից.

«…նախաձեռնվել է ստորաբաժանումների օպտիմալացում՝ թիվը 63-ից հասցնելով 47-ի. հաշվի են առնվել հետևյալ գործոնները.

- տարածքային ստորաբաժանումների բաշխվածությունը, աշխարհագրությունը, սպասարկման ծածկույթը՝ ըստ բնակչության թվի,

- քաղաքացիական ծառայության պահանջը, ըստ որի՝ 4 և ավելի աշխատակիցների քանակ է պահանջվում ստորաբաժնման ձևավորման համար, մինչդեռ մարզերում առկա էին 2-3 հոգուց բաղկացած խմբեր:

Գործընթացը կիրականացվի ընթացիկ տարում փուլային եղանակով: Այն համայնքներում, որտեղ նախատեսված է օպտիմալացում, զուգահեռաբար մշտադիտարկում կարվի: Անհրաժեշտության դեպքում շրջիկ ծառայության միջոցով պարբերաբար ծառայություններ կմատուցվեն Հայաստանի տարբեր համայնքներում»:

Պարզ գրված է, որ անձնագրայինը փակվելու է, քանի որ Վարդենիսի անձնագրային ծառայությունում 3 աշխատակից էր աշխատում: Էլ ի՞նչ եք խաբում մարդկանց, բառախաղ անում, թե օնլայն, մեկ պատուհան եւ այլն:

Անձնագրային ծառայությունները փակվելու են և՛ Վարդենիսում և՛ Ճամբարակում. Սա՛ է իրականությունը. կից ներկայացնում եմ պաշտոնական պատասխանը»:

Возможно, это изображение текст

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Թագուհի Թովմասյան

Դիտել նաև

Քաղաքական 26 04 2024

Թագուհի Թովմասյանն ու ԵՄ դեսպանը քննարկել են Հայաստանի սահմանների և ներսում առկա իրավիճակը

Պատգամավորը նաև անդրադարձել է Փաշինյանի իշխանության օրոք ժողովրդավարության սպառնալիքներին, այդ թվում՝ Հայաստանում առկա քաղբանտարկյալների խնդիրներին

Քաղաքական 26 04 2024

Իշխանությունը պահելու համար աճուրդի են հանել ՀՀ տարածքային ամբողջականությունը. Թագուհի Թովմասյան

Էս մարդիկ ունեն ՀՀ Կադաստրի կոմիտեի կողմից տրված վկայականներ իրենց տան, հարակից տարածքների համար. Պատգամավոր

Քաղաքական 25 04 2024

Քննչական մարմինները հատել են ոչ պրոֆեսիոնալ գործելու սահմանագիծը. Թագուհի Թովմասյան

Փաշինյանի ընտանեկան վրեժխնդրությունը բավարարելու համար, քննիչները առաջադրել են մեղադրանքներ մարդկանց, որոնցից շատերը անգամ դեպքի վայրում չեն եղել․ պատգամավոր

Քաղաքական 17 04 2024

Ոստիկաններն իմացել են որտեղ կանգնել, որ ժամին և երբ հետ գալ. Թագուհի Թովմասյան

Ոստիկանությունն ուղիղ մասնակցություն է ունեցել․ պատգամավորը՝ սկանդալային դեպքի մասին

Իրավական 16 04 2024

Հայաստանում գործում է դիմակավորված բանդա. Թագուհի Թովմասյան

Քաղաքացուն հանել են ոստիկանական ավտոմեքենայից և դաժան ծեծի ենթարկել. Պատգամավոր

Քաղաքական 25 03 2024

Չի՛ կարելի հանրագիտարանային մեջբերումներով հայտարարել, թե Տավուշի 4 գյուղերը Ադրբեջանի տարածքներ են․ Թովմասյան

Մեկ շաբաթը լրացավ Տավուշի մարզում հնչեցրած սպառալիքներից. ի՞նչ է լինելու․ պատգամավոր