Զախարովայի արձագանքը Փաշինյանի՝ խաղաղապահների վերաբերյալ գնահատականին

«Միանգամայան անհասկանալի են Հայաստանի վարչապետ Նիկոլ Փաշինյանի դատողությունները Լեռնային Ղարաբաղից ռուս խաղապահների դուրսբերման հարցի վերաբերյալ, հատկապես այսօրվա դրությամբ այնտեղ ստեղծված ծայրաստիճան բարդ մարդասիրական իրավիճակի ֆոնին»,- մամուլի ասուլիսում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Սա պարոն Փաշինյանի ցանկությո՞ւնն է։ Ես չեմ հասկանում՝ ինչի մասին է նա խոսում։ Նա ցանականում է որ այդպե՞ս լինի: Բոլորին հայտնի է, որ մեր խաղաղապահներն իրականացնում են կարևոր գործառույթներ՝ գերիների փոխանակում, ականազերծում, միջադեպերի կարգավորում, մարդասիրական օգնության ցուցաբերում:

Մի՞թե ՀՀ ղեկավարության կարծիքով՝ այս գործունենությունն անպետք է, ոչ ցանկալի, և նրանք ցանկանում են որ այն չլինի:

Բառերի հետ ձեռնածություն անելը լավի չի հանգեցնում: Բարձրագույն մակարդակով մեկ անգամ չէ, որ ընդգծվել է ռուսական խաղաղապահ զորակազմի ներդրումը  տեղակայման գոտում անվտանգության ապահովման գործում, շեշտադրվել է դրա գործունենության պահանջվածությունն իրավիճակի կարգավորման նպատակով:

Ուստի այս ամենը կասկածի տակ դնելու նման փորձերը մեծ հարցեր են առաջացնում՝ ի՞նչ նպատակով է սա արվում:

Եվ, ընդհանուր առմամբ, այն բանից հետո երբ ՀՀ ղեկավարությունը Լեռնային Ղարաբաղն ադրբեջանական է ճանաչել, ջանքերի անբավարարության վերաբերյալ Ռուսաստանի հասցեին պահանջները կրկնակի անտեղի են»,- ասել է Զախարովան:

Հիշեցնենք, որ նիկոլ Փաշինյանը հուլիսի 25-ի ասուլիսում նդրադառնալով Արցախում ռուս խաղաղապահներին, ասել էր․ «ՌԴ խաղաղապահ առաքելությունը ԼՂ-ում մեծ հաշվով դրված է կասկածի տակ: Որովհետև երբ ասում ենք հումանիտար ճգնաժամ, երբ ասում ենք մարդկանց զանգվածային զոհվելու վտանգ կա, դա մեծ խնդիր է Ռուսաստանի համար՝ առաջին հերթին իր առաքելության վստահելիության և իրագործելիության առումով»:

Նշենք, որ Մարիա Զախարովան անդրադարձել էր նաև Փաշինյանի մեկ այլ հայտրարության՝ բանակցություններում Ռուսաստանի ակտիվության նվազման վերաբերյալ և դարձյալ քննադատել Փաշինյանին։

Մանրամասն՝ տեսանյութում։