Վստահ եմ, ինչ-որ մի տեղ գրատախտակ ունեն, որի վրա ձերբակալվողների անունները շարված է․ Վրթանեսյան

«Մենք գործ ունենք բռնապետության հետ, իսկ բռնապետությունը դիմադրության ցանկացած փորձ փորձում է կասեցնել՝ անկախ նրանից՝ երկրում զուգահեռ իրադարձություն կա, թե ոչ»,- քննչական կոմիտեի դիմաց լրագրողներին ասաց ռազմական փորձագետ Կարեն Վրթանեսյանը, ով եկել էր ի աջակցություն ձերբակալված Արմեն Աշոտյանի։

«Ընդդիմադիրերին, քաղաքական հակառակորդներին, քննադատներին, նույնիսկ լրագրողներին, փորձագետներին ճնշելու փորձերը իրենց մոտ գրաֆիկով են։ Սա ստանդարտ բռնապետական գործիքականզմ է։ Նույնիսկ հատուկ անուն ունի, կոչվում է «պտտվող դռներ»։ Իշխանությունը, որպեսզի շատ ռեսուրս չծախսի, առավել արդյունավետ լինելու համար մարդուն բռնում են, ինչ-որ ժամանակ պահում են, սպառնում են, ճնշում են, հետո բաց են թողնում, ուրիշին են բռնում։

Օրեր առաջ բաց թողեցին Գայանե Հակոբյանին․ մի դեպքը փակեցին, անցան հաջորդին։ Դա կարող է լինել Արմեն Աշոտյանը կամ մեկ այլ հայտնի ընդդիմադիր և քննադատ։

Վստահ եմ, ինչ-որ մի տեղ գրատախտակ ունեն, որտեղ անունները շարած է, գրաֆիկը գծած է, հունիսի 15-ի ամսաթվով Աշոտյանի նկարն էր կպցված։ Սա ստանդարռտ բռնապետական գործելաոճ է»,- ասաց նա։

Մանրամասն՝ տեսանյութում։