05 01 2023

Արցախի ԱԺ պատգամավորներն ու կառավարության ներկայացուցիչները հանդիպումներ են ունեցել նաև Ասկերանում

Արցախի Հանրապետության Ազգային ժողովի պատգամավորները և կառավարության ներկայացուցիչները այսօր ՝ հունվարի 4-ին, հանդիպումներ են ունեցել Ասկերանի շրջանի Խաչմաչ, Կարմիր գյուղ, Շոշ, Սարուշեն, ինչպես նաև Մարտունու շրջանի Կարմիր շուկա համայնքներ:

Արցախի Հանրային հեռուստատեսության փոխանցմամբ՝ չնայած շրջափակման հետևանքով Խաչմաչի բնակիչները չեն հուսահատվում:

«Ես սիրում եմ իմ հայրենի գյուղը, իմ Արցախը և երբեք չեմ լքի: Կգոյատևենք ու կպայքարենք միայն թե խաղաղություն լինի»,-ասել է Խաչմաչի բնակչուհի Ելիզավետա Մնացականյանը:

Գյուղի բնակիչ Նորայր Խաչատրյանի խոսքով՝ շրջափակման հետևանքով թեթևակի խնդիրներ են ստեղծվել, սակայն դիմակայում են:

«Այստեղ ենք ծնվել, այստեղ էլ ապրելու ենք»,-ընդգծել է նա:

Համայնքների բնակչության հիմնական մտահոգությունը վերաբերում է շրջափակման հետ կապված անորոշությանն ու ապագային:

Օրենսդիր և գործադիր իշխանության հետ հանդիպումների ընթացքում նրանց հարցերի առաջին շարքում են եղել նաև ներկրվող մթերքի, դիզվառելիքի ու բենզինի պակասն ու դրանով պայմանավորված խնդիրները:

Արցախի Հանրապետության Ազգային ժողովի պատգամավոր Վլադիմիր Կասյանի տեղեկատվությամբ՝ հանդիպումների ընթացքում ծանոթացել են ժողովրդին հուզող հարցերին գրառել և այդ առաջարկությունները կներկայացնեն օպերատիվ շտաբին:

«Այստեղ կան առաջարկներ, որոնք անպայման օպերատիվ շտաբում պիտի քննարկվեն և դրանց դրական լուծումներ տրվեն»,-ասել է Վլ.Կասյանը՝ հավելելով, որ նման այցերի շրջանակում տեղում են ծանոթանում ժողովրդի հոգսերին

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Ասկերան

Դիտել նաև

Հասարակություն 18 09 2023

Կարմիր խաչի միջազգային կազմակերպության մեքենաները Աղդամով մտել են Ասկերան

Հրապարակման մեջ նշվում է, որ ժամը 7:12-ի դրությամբ բեռը հասել է Ասկերան

Հասարակություն 17 09 2023

Ռուս խաղաղապահներն Ասկերանում հրադադարի խախտման դեպք են արձանագրել

Տուժածներ չկան

Հասարակություն 12 09 2023

Ասկերանցիները ռուսական հումանիտար օգնության մուտքը ԼՂ թույլ են տվել պայմանով, որ կբացվի նաև Լաչինի միջանցքը

Նախօրոք բանակցություններ են եղել Ասկերան քաղաքի ակտիվի հետ, որի ժամանակ կողմերը համաձայնության են եկել ճանապարհը բացել բացառապես ռուսական մեքենայի համար

Հասարակություն 18 08 2023

Ասկերանի շրջանում հրադադարի ռեժիմի խախտում է արձանագրվել

Ռուսական խաղաղապահ զորախմբի հրամանատարությունը փաստի առնչությամբ հետաքննություն է անցկացնում հայկական և ադրբեջանական կողմերի հետ

Հասարակություն 08 08 2023

Ասկերանում արձանագրվել է հրադադարի ռեժիմի խախտում

Ռուսական խաղաղապահ զորախմբի հրամանատարությունը ադրբեջանական ու հայկական կողմերի հետ հետաքննություն է անցկացնում փաստի առնչությամբ

Հասարակություն 05 08 2023

Պաշարված Արցախ. Ասկերանի շրջան, գյուղ Խրամորթ

Խրամորթում ապրող փոքր տղան երազում է՝ թշնամուց գյուղի դիմացի բարձունքը վերադարձվի