Գեղարքունիքի մարզպետի կարծիքով, եթե խաղաղության պայմանագիր լինի, խաղաղություն էլ կլինի

Այն ընտանիքները, որոնց վնասները գնահատված են, բոլորինը վերականգնվելու են, այն տները, որոնք ամբողջությամբ փլուզված են եղել, վերականգնման աշխատանքները չի սկսվել, վարձակալության խնդիր է լուծվել: Այս մասին այսօր` ՔՊ համագումարից առաջ լրագրողների հետ զրույցում ասաց Գեղարքունիքի մարզպետ Կարեն Սարգսյանը՝ անդրադառնալով Ադրբեջանական ագրեսիայի ետևանքով տուժած քաղաքացիներին փոխհատուցում տրամադրելուն:

«Բնակիչների մոտ 80 տոկոսը վերադարձել է, մնացածների հարցը կարգավորվում է»:

Անդրադառնալով ԵՄ դիտորդական առաքելությանը, մարզպետն ասաց, որ իրենց հետ անցել են տարածքներով, տեղանքները ցույց են տվել և վնասների մասին ներկայացրել:   

Ինչ վերաբերում է հարցին՝ հնարավոր է այս պայմաններում խաղաղություն հենց Գեղարքունիքում, մարզպետն ասաց. «Եթե խաղաղության պայմանագիր լինի, իհարկե»:

Մարզպետը նաև ասաց, որ չնայած հավատում է խաղաղությանը, բայց չի վստահում թշնամուն»: