Իրանի զորավարժությունները մեսիջ է Ադրբեջանին, որ այդ տարածքներից ոտնձգություններ թույլ չի տա․ իրանագետ

Իրանագետ, Միջին Արևելքի հարցերի փորձագետ Հարութ Արթին Առաքելյանը Yerevan.Today-ի հետ զրույցում ասաց, որ երբ տարածաշրջանում առաջանում է վակուում, բնական է, որ ուժերի մի կողմը փորձելու է լրացնել  բացը։

«Տեսնում ենք, որ Ուկրաինայի պատերազմի պատճառով տարածաշրջանում վակուում կա  և այդ վակուումը փորձում է, որպես գերտերություն,  Ամերիական լրացնել ։ Նպատակներից մեկը՝ տարածաշրջանում Ռուսաստանի ազդեցույթունը նվազեցնելն է, որը Հարավային կովկասից սկսած մինչև Կենտրոնական Ասիա և Արևելյան Եվրոպա  ականատես ենք»,-ասաց իրանագետը։

Մեր զրուցակցի խոսքով,Հայաստանը համարվելով ռուսական բլոկի պետություն, եթե դուրս գա այդ բլոից, ամեն դեպքում, արևմուտքի համար կհամարվի ևս մեկ հաղթանակ։

«Հիմա Իրանը Ադրբեջնի սահմանին զորավարժություններ է անում, որը, կարելի է ասել, պատմության մեջ ամենամեծ զորավարժություններից է և  հիմա «Պահապանների կորպուսի»   40- 45 հազարանոց զորքը բարձրացրել է Ադրբեջանի սահման, զորավարժությունների անվան տակ արդեն տեխնիկա են բարձրացնում սահման  և այնտեղ տեսնում ենք կախովի կամուրջներ , որը հիմնականում գետն անցնելու համար են նախատեսված  և այդ ամենը մեսիջ է Ադրբեջանին, որ այդ տարածքներից ոտնձգություններ Իրանը թույլ չի տա»,-ասաց մեր զրուցակիցը։

Դիտարկմանը, որ հնարավո՞ր է ականատես լինենք Իրան-Ադրբեջան բախման, Հարութ Արթին Առաքելյանն ասաց․«Ադրբեջանն այդ քաշը չունի տարածաշրջանում , որ կարողանա Իրանին պատերազմ հայտարարի, եթե նման բան տեղի ուենա, ապա կկատարվի իսրայելական հրամանտարությամբ, լինելու է ահաբեկիչների միջոցով, որոնք արդեն 4000-ից ավել տեղավորվել են Արցախի գրավյալ տարծքներում, կատարողները նրանք են, պարզապես Ադրբեջանն օգտագործվելուէ»։

«Իրանը մեր անմիջական հարևանն է ու մենք գտնվելով այնպիսի աշխարհագրական դիրքում, որտեղ ազդեցություն ունեն Իրանը,Ռուսաստանն ու Թուրքիան  չենք կարող այլ դիվանագիտական  խաղ խաղալ ու մեր վեկտորը փոխել ։ Այստեղ կա մի ուրիշ ծրագիր, որով չեն ցանկանում Հայաստանը տարածաշրջանում հաղթող լինի,  այլ  ցանկանում են, որ գտնվի թուրքական առևտրային ուղիների վրա, որն այսօր Թուրքիան է նախագծում և կոչվում է «Միջին միջանցք»»,-ասաց նա։

Մեր զրուցակիցն ասում է, որ պատերազմից առաջ, գրեթե մեկ տարի, ՀՀ վարչապետը հեռախոսազրույց չէր ունեցել Իրանի նախագահի հետ․ «Իրանը դրա պատասխանը մեզ տվեց , 2020 թվականիմ սեպտեմբերի 21-ը՝ Անկախության տոնը շնորհավորեց մեկ օր ուշ»,-ասաց իրանագետը՝  նշելով, որ այսօր իրանական կողմը խոսում է, որ ՀՀ իշխանությունները  դավադիր խաղերի մեջ են տարածաշրջանում։