Կվերանայվի համալսարանների կարգավիճակը, ոչ բոլոր բուհերը կմնան համալսարան․ նախարար

Քննարկվում են Հայաստանում նոր բուհեր հիմնելու տարբերակներ՝ ըստ էության 12-ից թողնելով 8 վերամիավորվածը։ Այս մասին սեպտեմբերի 8-ին լրագրողների հետ զրույցում ասաց ԿԳՄՍ նախարար Վահրամ Դումանյանը։

Նա վստահեցրեց, որ մեխանիկական միավորումներ չեն լինելու, բարեփոխումը հիմնված է լինելու բովանդակալից գաղափարի վրա՝ ուղղված կրթության որակի, լաբորատորիաների ստեղծման, շենքային պայմանների՝ եվրոպական ստանդարտներով  մակարդակի բարձրացման և միջավայրի ստեղծմանը։

«Կան բուհեր, որոնք իմաստալից առումով հիմա էլ չեն գործում։ Երեւանում կա 12 պետական ​​բուհ, թեեւ 1-2 բուհ կարող էր պակաս լինել, ուստի բարեփոխումների արդյունքում մինչեւ 8 բուհ ձեւավորելու նպատակը բավականին մեծ թիվ է։ Բայց վերջնական նպատակը, ամեն դեպքում, կոնկրետ թիվ ստանալը չէ»,-հավելեց Դումանյանը։

Նախարարը հայտարարեց, որ որոշ մասնագիտությունների գծով որոշ ուսումնական հաստատություններում կրթության մակարդակը բավականին բարձր է, ինչը հաստատում են միջազգային տարբեր վարկանիշներ, սակայն կրթության մակարդակը ամբողջ հանրապետությունում բարձրացնելու համար կառավարությունը պետք է ստեղծի կրթության համար նոր կրթականհամակարգ , ինչն էլ կներդրվի միանգամից ակադեմիական քաղաքի կառուցմամբ՝ Աշտարակում։