Այո իմ եղբայրը սպանության օրը եղել է ծեծի միջադեպի վայրում, բայց չի հարցաքննվել. ՔՊ-ական պատգամավոր Մաթևոս Ասատրյան

Ապարանում 7 անձանց կրակոցներով վիարավորելու և երկուսի սպանության աղմկահարույց գործով ՔՊ-ական պատգամավոր Մաթևոս Ասատրյանի եղբայրը, որ դեպքի վայրում է եղել, միջադեպից 7 օր անց դեռևս չի կանչվել հարցաքննության: Այս մասին ինքը՝ իշխանական պատգամավորն է այսօր ԱԺ-ում հայտնել  լրագրողներին:

Պատգամավորը տարօրինակ չի համարում այն, որ 7 օր շարունակ  իր եղբոր անունը մամուլում հիշատակելուց հետո անգամ ՔԿ-ն դեռևս չի կանչել  նրան հարցաքննության, ասում է պատճառը ականատեսների շատ մեծ թիվն է, հերթով կկանչեն:

Ընդգծենք, սույն պատգամավորի եղբայրը ըստ ականատեսների և  վկայություն տգվող գլխավոր անձանցից մեկի՝ գտնվել է հունիսի 19-ի սպանության օրը երկու՝ իրար հաջորդած միջադեպերի վայրերում, սկզբում Ապարանում կեսօրին Ռաֆայելին ծեծի ենթարկելու միջադեպին, հետո փաստորեն ժամեր անց Նիգավանի աղբավայրի մոտ կատարված սպանության  պահին:

 «Այո, իմ եղբայրը սպանության օրը եղել է գազալցակայանում (սպանությանը նախորդած ծեծի միջադեպի վայրում, խմբ.), դա գազալցակայան է ու մեզնից ցանկացած մեկը կարող էր այդ պահին այդտեղ գտնվել»,-ասել է  ՔՊ-ական պատգամավորը։

Ի դեպ, պատգամավորն այսօր արյունալի միջադեպի առիթով ևս մեկ շատ կարևոր հայտարարություն  է արել՝ Ապարանի սպանությանը իշխանության ներկայացուցիչների հարազատների մասնակցության մասին՝ չբացառելով, որ որևէ պաշտոնյայի հարազատի մասնակցության հանգամանքը  չի հերքում,  քանի որ սպանության վայրում 100-ից ավելի մարդիկ են ներկա գտնվել:

«Այնտեղ 100-ից ավելի մարդիկ են հավաքված եղել, իսկ թե ով ինչ մասնակցություն է ունեցել այդ սպանության միջադեպին, թող քննությունը պարզի, իսկ էն ինչ իմանում եմ ես, իմանում եմ իմ չափով: Միայն ասեմ այնտեղ ծեծի միջադեպ չի եղել, իմ եղբայրը մասնակից չի եղել ծեծի միջադեպի ու  ձայնագրությունները կան, դրանք առգրավված են, ես անձամբ չեմ տեսել, բայց տեղյակ եմ այդ մասին»:

Լրագրողների ճշտող հարցին՝ եթե քննությամբ աացուցվի իր եղբոր մասնկացության հանգամանքը, պատրաստ է պատգամավորը քաղաքական պատասխանատվություն կրել, պատասխանել է որ ցանցակած պատասխանատվություն կկրի, եթե մեղքն ապացուցված լինի: