Դու շատ լավ գիտես, որ քո մնալու պատճառով զինվորները չեն փրկվելու. Ռուբեն Մելքոնյանը՝ Արարատ Միրզոյանին

Արցախում մինչև այսօր պատերազմական իրավիճակ է, մինչև այսօր վտանգված է այնտեղի բնակչության կյանքը և անվտանգությունը: Հատկապես այս օրերի ռազմական գործողություններով ի՞նչ է ուզում ցույց տալ թշնամին, և ի վերջո, ո՞վ է պատասխանատու այնտեղ կատարվող իրադարձությունների համար, թե՛ սահմանային իրավիճակի մասով, թե՛ հումանիտար աղետի:

Երբ նոր էր սկսվել Ռուս-ուկրաինական պատերազմը, մենք անընդհատ փորձում էինք կանխատեսումներ անել, թե ինչ հետևանքներ է ունենալու մեզ վրա: Այսօր արդեն Հայաստանի համար ի՞նչ հետևանքներ կարող են արձանագրել քաղաքական և անվտանգային առումով:

Հայ-թուրքական հարաբերությունների կարգավորման գործընթացները սկսվել են, չնայած մի շարք հանդիպումներին և հայկական կողմի դրական վերաբերմունքին, թշնամին շարունակում է կրակել. Հիմա ի՞նչ է ստացվում, որ մենք միշտ պետք է խոսենք խաղաղության մասին, բայց թշնամին կրակի՞: Այս և այլ հարցերի մասին Yerevan.Today-ի տաղավարում զրուցել ենք թուրքագետ Ռուբեն Մելքոնյանի հետ: