23 03 2022

Գնաճային ճնշումներ կան և կշարունակվեն․ նախարար

Դուք ասել եք, որ ավելի արագ պետք է աճի կենսաթոշակի չափը, քան գներն են աճելու։ 2020-2021 թթ․-ին ճիշտ հակառակն է տեղի ունեցել՝ կենսաթոշակի միջին չափը շատ չնչին աճ է ունեցել, մի քանի անգամ աճել են միջին գները, տասնյակ ավել անգամ աճել է նվազագույն կենսաապահովման զամբյուղի մեջ մտնող հիմնական սննդամթերքի առաջին անհրաժեշտության ապրանքների գները։ Այս մասին ԱԺ-Կառավարություն հարցուպատասխանի ժամանակ ասաց «Հայաստան» խմբակցության պատգամավոր Թադևոս Ավետիսյանը։

«Տարին նոր է սկսել այս տարի ակնհայտ է նորից գնաճային նոր ճնշումները, դա փաստ է ուղղակի, դա վկայում է ԿԲ-ի կողմից վարվող խիստ քաղաքականությունը։ Աշխատանքի և սոցիալական հարցերի նախարարությունը արդյոք մշակում է ծրագրեր զբաղվածության խթանման և սոցիալական վճարների բարձրացման վերաբերյալ»,-հարցը սոցապնախարարին ուղղեց Ավետիսյանը։

Ի պատասխան, նախարարը նշեց, որ Կառավարության ուշադրության կենտրոնում է գնաճը․

«Աշխարհից կտրված չէ, և փոխկապակցված մի շարք թելով համաշխարհային զարգացումների հետ։ Կառավարությունը մտածում է, բայց Աշխատանքի և սոցիալական հարցերի նախարարությունը ուղիղ գնաճ ճնշելու գործիքակազմ չունի, մենք ևս մտահոգված ենք ստեղծված վիճակով»։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

գնաճ | Սոցապնախարար

Դիտել նաև

Տնտեսություն 29 01 2024

Երևանում ապրելը դարձել է թանկ հաճույք. գները բարձր են, եկամուտները՝ ցածր․ 168.am

Արտաքուստ գնաճ չկա կամ ցածր է, բայց իրականում շատ առաջին անհրաժեշտության ապրանքների գներ երբեմն կրկնակի-եռակի ավելի բարձր են, քան երկու-երեք տարի առաջ էին