24 11 2021

Իրանում ՀՀ նախկին դեսպանը՝ վարչապետի խորհրդական

Իրանում ՀՀ նախկին դեսպանը՝ վարչապետի խորհրդական

Իրանի Իսլամական Հանրապետությունում ՀՀ նախկին դեսպան Արտաշես Թումանյանը Փաշինյանի որոշմամբ վարչապետի խորհրդական է նշանակվել: Այս մասին տեղեկանու ենք e-gov.am կայքում տեղադրված որոշումից

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝ Արտաշես Թումանյանին նշանակել վարչապետի խորհրդական»,- նշված է վարչապետի որոշման մեջ։

Արտաշես Թումանյանը 1998-1999թթ. եղել է ՀՀ Նախագահի խորհրդական, 1999-2000թթ. ՀՀ արտգործնախարարի առաջին տեղակալ, 2000-2006թթ. եղել է ՀՀ նախագահի աշխատակազմի ղեկավար, նաեւ՝ Հայ-իրանական միջկառավարական հանձնաժողովի եւ «Լինսի» հիմնադրամի ծրագրերի կառավարման հայաստանյան խորհրդի նախագահ, 2001-2006թթ.՝ Հայ-չինական միջկառավարական հանձնաժողովի նախագահ, 2015-2021թթ.՝  Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ