Ծառայողական մեքենաների թիվը կրճատվում է

Հետայսու ԱԺ աշխատակազմի վարչությունների պետերը, աշխատակազմի ղեկավարի տեղակալները, ինչպես նաև մշտական հանձնաժողովների նախագահների տեղակալները չեն ունենա իրենց սպասարկող ավտոմեքենաներ:

Այս մասին իր ֆեյսբուքյան գրառմամբ հայտնել է ԱԺ նախագահ Արարատ Միրզոյանը: ԱԺ նախագահը գրել է․ «Ուզում եմ տեղեկացնել դեռևս մեկ շաբաթ առաջ կայացված իմ և ԱԺ աշխատակազմի ղեկավարի մի որոշման մասին։

Հետայսու ԱԺ աշխատակազմի վարչությունների պետերը, աշխատակազմի ղեկավարի տեղակալները, ինչպես նաև մշտական հանձնաժողովների նախագահների տեղակալները չեն ունենա իրենց սպասարկող ավտոմեքենաներ։

Միաժամանակ էականորեն կնվազեցվի մնացյալ մեքենաներին հատկացվող բենզինի չափաքանակը։

Աշխատակազմի և հանձնաժողովների բնականոն աշխատանքներն ապահովելու համար կգործեն հերթապահ մեքենաներ, որոնք առանձին դեպքերում նախապես ներկայացված և հիմնավոր հայտի հիման վրա կիրականացնեն պահանջվող տեղափոխումը»։

ՀՀ վարչապետի աշխատակազմին սպասարկող ավտոմեքենաների թիվը ևս կտրուկ կկրճատվի։ Ներկայիս 50-ի փոխարեն կմնան 7-ը։ Այս մասին ֆեյսբուքյան իր էջում գրել է վարչապետի աշխատակազմի ղեկավար Էդուարդ Աղաջանյանը: «Այս պահին իրենց կցված վարորդով ծառայողական ավտոմեքենաներից են օգտվում հետևյալ պաշտոնյաները.

- ՀՀ փոխվարչապետներ

- Վարչապետի աշխատակազմի ղեկավար

- ԱԽ քարտուղար

- Աշխատակազմի ղեկավարի տեղակալներ

- Աշխատակազմի վարչության պետեր

- Աշխատակազմին ենթակա գրասենյակների պետեր

- Վարչապետի խորհրդականներ-

Վարչապետի որոշ օգնականներ

Փոփոխությունների արդյունքում իրենց կցված ծառայողական ավտոմեքենաներից կօգտվեն.

- Երկու փոխվարչապետները

-ԱԽ քարտուղարը

Եվ վերջ: Ինքս ևս կհրաժարվեմ ծառայողական ավտոմեքենայից։ Վարորդներն արդեն ծանուցվել են՝ ըստ օրենքի պահանջի»,-գրել է վարչապետի աշխատակազմի ղեկավարը։