28 07 2020

Դպրոցներում կդասավանդվի «Ես և իմ հայրենիքը» առարկան․ ԿԳՍՄՆ

Դպրոցներում կդասավանդվի «Ես և իմ հայրենիքը» առարկան․ ԿԳՍՄՆ

Կրթության, գիտության, մշակույթի և սպորտի նախարարությունը հրապարակել է Հանրակրթական «Ես և իմ հայրենիքը» և «Ես, իմ հայրենիքն ու աշխարհը» դասընթացների ուսումնառության հայեցակարգ, առարկայական ծրագրերը և ներկայացրել՝ ինչու է «Ես և իմ հայրենիքը» նոր առարկան հայտնվելու դպրոցում։

 

Այս առարկայի շրջանակում երեխան ճամփորդելու է իր երկրում` սկսելով փոքր հայրենիքից՝ համայնքից, գծելով հենց իր ապրելատեղի քարտեզը, ճանաչելու է իր հայրենիքն ամբողջության և աշխարհի հետ հարաբերության մեջ՝ զուգորդելով դա ազգային կենցաղի, խոհանոցի, մշակույթի, էպոսի, առասպելների ու լեգենդների, պատմական կարևոր իրադարձությունների ու դեմքերի ուսումնասիրմամբ։

Երեխան սովորելու է ավանդույթները, ծեսերը, տոները՝ Սուրբ Խաչ, Սուրբ Գեւորգ, Սուրբ Ծնունդ եւ Մկրտություն,Սուրբ Սարգիս, Տյառնընդառաջ, Բարեկենդան, Ծաղկազարդ, Զատիկ, Համբարձում, Վարդավառ, նաև ծանոթանալու է ազգային փոքրամասնությունների ավանդական մշակույթին ու կենցաղին։

Երեխան ուսումնասիրելու է «Սասունցի Դավիթ» էպոսը և ճանաչելու է հայ հոգևոր և նյութական մշակութային արժեքները։

Էպոսի հիման վրա պատկերացնելու է հայկական հասարակության իդեալական պատկերը՝ ազատության, արդարության եւ խաղաղ ստեղծարար աշխատանքի վրա հիմնված:

Գնահատելու է խաղաղասիրությունը, արդարությունը, փոխադարձ հարգանքը և ընկերասիրությունը:

Նկարագրելու է տղամարդկանց և կանանց փոխադարձ հարգանքի և համագործակցության անհրաժեշտությունը, հասարակության մեջ ունեցած տարբեր, բայց հավասարաչափ կարևոր դերերը։

Գիտակցելու է սեփական հայրենիքի ազատության և հասարակական արդարության համար պայքարելու անհրաժեշտությունը:

Կարդացե’ք, քննադատե’ք և քննարկե’ք, բայց արեք դա հանուն կրթական ավելի լավ համակարգի ու որ երեխաները սիրով շտապեն դպրոց:

«Հայոց պատմություն» առարկան այսուհետ անցնելու են 7-րդ դասարանից, քանի որ 5-6-րդ դասարաններում դպրոցում կդասավանդվեն «Ես եւ իմ հայրենիքը» եւ «Ես, իմ հայրենիքն ու աշխարհը» նոր առարկաները։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ