18 08 2021

Հերթական դատավորն է հեռանում պաշտոնից. բախում ԲԴԽ նախագահ Գագիկ Ջհանգիրյանի հետ. ArmLur.am



Դատական համակարգում շրջանառվող լուրերի համաձայն՝ ՀՀ Վերաքննիչ քաղաքացիական դատարանի նախկին նախագահ, դատավոր Նորա Կարապետյանը պատրաստվում է աշխատանքից ազատման դիմում գրել: ArmLur.am-ին հայտնի դարձավ, որ նա դեռես ԲԴԽ դիմում չի ներկայացրել, բայց մտերիմ շրջապատում հայտարարել է, որ հեռանում է: Ըստ մեզ հասած լուրերի՝ դատավորի հեռացման պատճառը ԲԴԽ նախագահ Գագիկ Ջհանգիրյանն է:

Ըստ լուրերի՝ Նորա Կարապետյանը տհաճ խոսակցություն է ունեցել Գագիկ Ջհանգիրյանի հետ, որից հետո հայտարարել է, որ չի մնալու դատական համակարգում:

Ի դեպ, ըստ լուրերի՝ վերջիններս բախվել են օրերս ՀՀ Նախագահ Արմեն Սարգսյանի կողմից ՀՀ վերաքննիչ քաղաքցիական դատարանում դատավորների նշանակման մասով: Մասնավորապես, օրերս ՀՀ նախագահ Արմեն Սարգսյանի հրամանագրով Գոռ Թորոսյանը նշանակվել է վերաքննիչ քաղաքացիական դատարանի դատավոր:

Արմեն Սարգսյանի մեկ այլ հրամանագրով Արման Կուրեխյանը նշանակվել է վերաքննիչ քաղաքացիական դատարանի դատավոր:
Սամվել Գրիգորյանը եւս նշանակել վերաքննիչ քաղաքացիական դատարանի դատավոր: Այս նշանակումները պատճառ են դարձել բախման, ինչի արդյունքում դատավորը պատրաստվում է հեռանալ դատական համակարգից:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ