09 12 2020

Հայաստանում Սորոսի գրասենյակի փակման գործընթացը սկսված է. Նարեկ Մալյան

Հայաստանում Սորոսի գրասենյակի փակման գործընթացը սկսված է. Նարեկ Մալյան

«ՎԵՏՕ» հասարակական-քաղաքական շարժման ղեկավար Նարեկ Մալյանը ֆեյսբուքյան իր էջում գրել է․

«Սեպտեմբերի 8-ին ԱԱԾ հաղորդում էի ներկայացրել այն մասին, որ սորոսական Սաշիկ Սուլթանյանը Սորոսի գրասենյակից գումար է ստացել, որպեսզի ազգամիջյան թշնամանք հրահրի հայերի և եզդիների միջև։ Սաշիկ Սուլթանյանը հարցազրույց էր տվել, որում կեղծ ու սուտ հայտարարություններ էր արել այն մասին, թե իբր եզդիներին Հայաստանում գնդակահարում են, դրդում են արտագաղթի, հափշտակում են սեփականությունը, վտանգված է լեզուն, մշակույթը և այլն։

Իմ դիմումի հիման վրա՝ սորոսական Սաշիկ Սուլթանյանի կողմից ազգամիջյան թշնամանք հրահրելու վերաբերյալ, ԱԱԾ-ում հարուցվել է քրեական գործ, որի շրջանակներում էլ շուտով մեղադրանք կառաջադրվի սորոսական Սաշիկ Սուլթանյանին։

Շուտով կսկսվի նաև Սորոսի գրասենյակի տոտալ ստուգման գործընթացն, ԱԱԾ կկանչվեն բոլոր կարկառուն սորոսականներն, ինչպես նաև բոլոր այն մարդիկ, ովքեր տեղեկատվական աջակցություն են տրամադրել սորոսական Սաշիկ Սուլթանյանին։

Նշեմ նաև, որ պատրաստվում ենք դատական հայց ներկայացնել Սորոսի գրասենյակը Հայաստանում հակաօրինական ճանաչելու և փակելու վերաբերյալ։

Հավելեմ, որ այս գործընթացն ամբողջությամբ համապատասխանում է օրենքի տառին և ՀՀ Սահմանադրությանը»։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ