26 08 2020

Էդգար Ղազարյանը գնաց արձակուրդ

Էդգար Ղազարյանը գնաց արձակուրդ

«Հրապարակ»-ը գրում է․ «Մեզ տեղեկացրեցին, որ Սահմանադրական դատարանի աշխատակազմի ղեկավար Էդգար Ղազարյանին ազատել են աշխատանքից։ Մենք նախօրեին հարցազրույց էինք արել նրա հետ եւ նա ասել էր, որ ՍԴ-ում փոփոխություններ են տեղի ունեցել՝ այլեւս ինքը չի կարող բանավոր հարցազրույց տալ եւ խնդրել էր հարցերն ուղարկել գրավոր։

Նաեւ ասել էր, որ այս ընթացքում որեւէ իրավազոր նիստ չի կայացել, քանի որ դրա համար հարկավոր է գոնե 5 անդամի ներկայություն, իսկ նիստերին գալիս է 4 դատավոր։ Բացի այդ Ղազարյանն այստեղ աշխատանքի է անցել Հրայր Թովմասյանի ժամանակ եւ համարվում է նրա թիմի անդամ ու այս ընթացքում բազմաթիվ հարցազրույցներ է տվել՝ քննադատելով ՍԴ-ի նկատմամբ իշխանությունների վարած քաղաքականությունը, ուստի մեզ տարօրինակ չթվաց այս լուրը։

 

Սակայն մենք կապվեցինք Էդգար Ղազարյանի հետ եւ նա ասաց, որ ընդամենը արձակուրդ է գնում եւ ինչպես բոլոր բարեխիղճ պաշտոնյաները՝ արձակուրդից հետո վերադառնալու է աշխատանքի»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ