15 04 2020

Չէի պատկերացնում, որ ՀՀ հեղափոխական իշխանությունը կարող է այդ աստիճան «ցածրանալ». Ավետիք Իշխանյան

Չէի պատկերացնում, որ ՀՀ հեղափոխական իշխանությունը կարող է այդ աստիճան «ցածրանալ». Ավետիք Իշխանյան

«Հայաստանի Հելսինկյան կոմիտե» ՀԿ նախագահ Ավետիք Իշխանյանը ֆեյսբուքյան իր էջում գրառում է կատարել՝ անդրադառնալով դատավոր Ալեքսանդր Ազարյանի նկատմամբ ԲԴԽ-ում վարույթ հարուցելուն:

Գրառումն ամբողջությամբ ներկայացնում ենք ստորև.

«Երեկ լրահոսում կարդացի, որ վերաքննիչ դատարանի դատավոր Ալեքսանդր Ազարյանի նկատմամբ Արդարադատության նախարարի հաղորդման համաձայն (իրականում Նիկոլ Փաշինյանի հանձնարարությամբ), ԲԴԽ-ն վարույթ է հարուցել։ Ամենայն անկեղծությամբ եմ ասում՝ չհավատացի, քանի որ չէի պատկերացնում, որ ՀՀ հեղափոխական իշխանությունը կարող է այդ աստիճան «ցածրանալ»։ Ցավոք, տեղեկությունը «կեղծ, ընդդիմադիր ֆեյք» չէր և այսօր հաստատվեց։ Ահա և ձեզ «ժողովրդավարություն, իրավական պետություն» և այլ զառանցանքներ։ Դուք փոխանակ ամրապնդելու, այն է՝ առաջին հերթին չմիջամտելու դատարանների աշխատանքներին, վերջնականապես ոչնչացնում եք առանց այն էլ խոցելի համակարգը։

Ձեր կարծիքով «պատժելով» դատական համակարգում հազվագյուտ բարձր արժանապատվություն և մասնագիտական որակներ ունեցող դատավորներին, որոնցից թերևս առաջինը Ալեքսանդր Ազարյանն է, դուք ամենացավալի, գուցե անդառնալի հարված եք հասցնում հայոց պետականությանը։

Այպես շարունակվելու դեպքում Հայաստանի Հանրապետությունը դե ֆակտո կդադարի պետություն լինելուց և կվերածվի մի ցեղախմբային տարածքի, իր Վոժդով։ Իսկ դե յուրե ոչնչացումն արդեն ժամանակի հարց է»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ