04  09  2019

Արմեն Մուրադյանը դատի կտա Արսեն Թորոսյանին

Արմեն Մուրադյանը դատի կտա Արսեն Թորոսյանին

Երևանի Մխիթար Հերացու անվան պետական բժշկական համալսարանի իրավաբանները հայցադիմում են նախապատրաստում առողջապահության նախարար Արսեն Թորոսյանի դեմ։ Այս մասին հայտնում են ԵՊԲՀ մամուլի բաժնից:

«Ներկա պահին, իրավաբանները նախապատրաստում են հայցադիմումը, թե հստակ, որ մասն է ներառված լինելու, կհայտարարենք ավելի ուշ: Մեր պատկերացմամբ օրինական երկրում նմանատիպ հարցերին պետք է տրվեն իրավական գնահատականներ»,– նշում է ԵՊԲՀ-ի աշխատակազմի ղեկավար Շուշան Դանիելյանը:

Հիշեցնենք, որ «Հրապարակ» թերթը գրել էր, թե ԵՊԲՀ–ը Արսեն Թորոսյանի դեմ հայցադիմում է ներկայացրել, որում մի քանի կետ կա և դրանցից մեկով պաշտոնական դիրքի չարաշահման փաստ է դիտարկել այն, որ նախարարն իր ֆեյսբուքյան ուղիղ եթերով և Հանրային հեռուստաընկերության եթերում հայտարարել է, որ ինքը ցանկացել է փոխել բուհի հոգաբարձուների խորհրդի կազմը: Թերթը նաև նշել էր, որ Առողջապահության նախարարությունը նման լիազորություն չունի։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ