Ռոբերտ Քոչարյանի պաշտպանները կդիմեն Վերաքննիչ դատարան

Ռոբերտ Քոչարյանի գործով առաջին ատյանի դատարանի երկու որոշումներն էլ դատախազի կողմից բողոքարկման ենթակա չեն: Այս մասին հունիսի 1-ին մամուլի ասուլիսի ժամանակ ասաց ՀՀ երկրորդ նախագահ Ռոբերտ Քոչարյանի փաստաբաններից Հայկ Ալումյանը:

«Դատախազը ներկայացրել է բողոքներ, որոնցով դուրս է եկել իր լիազորությունների սահմաններից: Վերաքննիչ դատարանն իր հերթին իրավունք չունի այդ բողոքները վարույթ ընդունել, պարտավոր է դրանք թողնել առանց քննության: Այն ճնշումները, որ մենք տեսանք առաջին ատյանի դատարանում դատական ակտերը կայացնելուց հետո, բոլորիս համար էլ հասկանալի է, որ վերաքննիչ դատարանի դատավորը շատ լավ պատկերացնում է, թե ինչ տեղի կունենա իր հետ, ինչ ճնշումների կենթարկվի, եթե կիրառի օրենքը: Իսկ օրենքն ասում է, որ այդ բողոքները պետք է թողնել առանց քննության»,- ասաց պաշտպանը:

Հայկ Ալումյանը նշեց, որ շատ մտահոգիչ է, որ որ երկու բողոքներն էլ հայտնվել են միևնույն դատավորի վարույթում. «Ընդ որում, այն դատավորի մոտ, ով մշտապես, փաստաբանների կողմից վարկանիշավորման այդ գործընթացում ամենացածր տեղում է եղել: Փաստաբանները միշտ բարձրաձայնել են այն հանգամանքը, որ այդ դատավորը եղել է դատախազության ցանկությունները կատարող դատավոր»,- ասաց նա:

Պաշտպանները պատրաստվում են մայիսի 3-ին դիմել Վերաքննիչ դատարան և պահանջել ընդացակարգի հետ կապված տեղեկություններ: 

Մանրմասն՝ տեսանյութում: