Ոստիկանները բերման են ենթարկել «ԱռԱջ» կուսակցության՝ ավտոերթի մասնակից անդամներին

«ԱռԱջ» կուսակցության Կենտրոնական Գործադիր Կոմիտեի անդամ Նարեկ Մանթաշյանը ֆեյսբուքյան իր էջում գրում է․

«Մեր ավտոերթի ընթացքում ոստիկանները կանգնեցրեցին մեքենաները և ոստիկանության էջմիածնի բաժին տեղափոխեցին «ԱռԱջ» Կուսակցության կենտրոնական գործադիր կոմիտեի նախագահ Հովհաննես Հարությունյանին, Կուսակցության կենտրոնական գործադիր կոմիտեի անդամ Սևակ Խաչատրյանին, կուսակցության հիմնադիր անդամ Արմեն Ասատրյանին և մեր ընկեր Պողոս Ղափանջյանին:

Այս պահին տղերքին ոստիկանությունից տեղափոխեցին Էջմիածնի քննչական բաժին, գործ կարելու, բայց վստահ ենք գիտեք, որ մեզ դրանով վախեցնելը ժամանակի զուր կորուստ է»:

Ավելի ուշ Մանթաշյանը մեկ այլ գրառում հրապարակեց․ 

«Տղերքին Քննչականում հայտարարել են, որ ԳՈՂՈՒԹՅՈՒՆ կատարելու կասկածանքով են հարցաքննվելու)))

Չափից ավել ծիծաղալու եք այ խղճուկներ»