Ի՞նչ է հայտարարագրել ԿԸՀ նախագահը. «Փաստ»

«Փաստ»-ը գրում է. «Կենտրոնական ընտրական հանձնա­ժողովի նախագահ Տիգրան Մուկուչյանը Բարձրաստիճան պաշտոնատար ան­ձանց էթիկայի հանձնաժողովին է ներ­կայացրել 2018 թվականի տարեկան հայտարարագիրը: Հանձնաժողովի պաշտոնական կայ­քում հրապարակված փաստաթղթի հա­մաձայն՝ Տիգրան Մուկուչյանը անշարժ և շարժական գույք չի հայտարարագրել: Կենտրոնական ընտրական հանձնա­ժողովի նախագահը ներկայացրել է տվյալներ 2018թ. հարկային տարում ստացած եկամտի և դրամական միջոց­ների մասին:

Տիգրան Մուկուչյանի դրամական մի­ջոցները 2018թ. հարկային տարվա սկզբում կազմել են 7 450 000 ՀՀ դրամ և 16 100 ԱՄՆ դոլար: Հարկային տարվա վերջում նշված դրամական միջոցները համապատաս­խանաբար կազմել են 7 300 000 ՀՀ դրամ և 16 000 ԱՄՆ դոլար: Տիգրան Մուկուչյանի եկամուտը 2018թ. հարկային տարում գոյացել է աշխատավարձից՝ կազմելով 10 183 783 ՀՀ դրամ: Տ. Մուկուչյանը 2011 թվականից ՀՀ կենտրոնական ընտրական հանձնա­ժողովի նախագահն է»,-գրում է թերթը:

Նյութն ամբողջությամբ կարդացեք թերթի այսօրվա համարում: