25 05 2024

Վարչակարգը ողջ լծակներով աշխատում են արցախցիների վրա, որ հանրահավաքի չգնան․ «Հրապարակ»

Վարչակարգը ողջ լծակներով աշխատում են արցախցիների վրա, որ հանրահավաքի չգնան․ «Հրապարակ»

«Հրապարակ» թերթը գրում է. «Մայիսի 26-ի հանրահավաքին ընդառաջ վարչակարգը ողջ լծակներով աշխատում է արցախցիների վրա, որ հանրահավաքի չգնան: Ոմանց դրամական խոստումներ են տվել, մյուսների վրա իրավապահներն են աշխատում։ Նախօրեի ուշ երեկոյան անհեթեթ վարույթ հարուցեցին, խուզարկեցին, ապա տնային կալանք սահմանեցին Ասկերանի քաղաքապետ Հայկ Շամիրյանի նկատմամբ:

Մեր աղբյուրների հավաստմամբ՝ Շամիրյանը սրբազան պայքարի ակտիվ մասնակիցներից է, նա բոլորին կոչ է անում մասնակցել եւ ազատվել իշխանություններից:
Իշխանությունը մոտ չորս տասնյակ այդպիսի «ակտիվիստի» ցուցակ ունի, որոնց ուղղությամբ ակտիվ աշխատում են․ ոմանց հետ իրավապահները զրույցներ` «բացատրական» աշխատանքներ են տանում, մյուսների նկատմամբ շինծու քրեական վարույթներ են հարուցում։

Սակայն արցախցիները չեն պատրաստվում նահանջել, մեզ ասացին, որ արցախյան պաշտոնատար շրջանակներն այս անգամ ավելի համակարգված են աշխատում, հանրահավաքին մասնակցելու կազմակերպչական հարցերն էլ են լուծում` մարզերից Երեւան հասնելու»:

Առավել մանրամասն թերթի այսօրվա համարում

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ