Հիմնարկի լուծարում, պետգույքի օտարում, հարկային արտոնություններ․ Կառավարության նիստը

Օգոստոսի 1-ը կառավարության հերթական նիստի օրն է։ Գործադիրի օրակարգում ներառված է 34 հարց, որից 25-ը չզեկուցվող է, 2-ը՝ գաղտնի։

Գործադիրը՝

Փոփոխությունների կենթարկի նախկինում ընդունած մի քանի որոշումներ։

Պետական տուրքի գծով արտոնություն կսահմանի։

Համաձայնություն կտա «Առարկաների և նյութերի բաղադրության և հատկությունների ստանդարտ նմուշների ստեղծման և կիրառման ոլորտում համագործակցության մասին» համաձայնագրի ստորագրման առաջարկությանը։

Վերաբաշխում կանի պետական բյուջեում։

Կլուծարի «Անասնաբուժասանիտարիայի և բուսասանիտարիայի ծառայությունների կենտրոն» ՊՈԱԿ-ը։

Հարկային արտոնություն կտա «Հելլո», «Պրոֆպանել», «Լենտեքս» ընկերություններին։

Զինծառայությունից տարկետում կտա կրթության և գիտության բնագավառում նշանակելի նվաճումներ ունեցող Դավիթ Մարկոսյանին և Արման Աթանեսյանին։

Հավանություն կտա «Եվրասիական տնտեսական միության մաքսային տարածքով վնասակար թափոնների անդրսահմանային տեղափոխման մասին» համաձայնագրի ստորագրման առաջակությանը։

Կօտարի, ինչպես նաև հետ կվերցնի և կամրացնի պետական գույք։

Գումար կհատկացնի կառավարությանը։

Կթուլատրի գնման պայմանագրում փոփոխություն կատարել։