14 11 2020

Զոհրաբ Մնացականյանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ

Նոյեմբերի 13-ին տեղի ունեցավ ԱԳ նախարար Զոհրաբ Մնացականյանի հեռախոսազրույցը Միավորված Ազգերի Կազմակերպության Գլխավոր քարտուղար Անտոնիո Գուտերեշի հետ։

Նախարար Մնացականյանը և ՄԱԿ-ի Գլխավոր քարտուղարը քննարկեցին Հայաստանի Հանրապետության վարչապետի, Ադրբեջանի Հանրապետության և Ռուսաստանի Դաշնության նախագահների կողմից նոյեմբերի 10-ի հրադադարի հաստատման և ռուս խաղաղապահների տեղակայման վերաբերյալ համատեղ հայտարարությանը հաջորդած զարգացումները: Նախարար Մնացականյանն ընդգծեց ԼՂ խաղաղ գործընթացին վերաբերող բոլոր հարցերի շուրջ քննարկումները բացառապես ԵԱՀԿ Մինսկի խմբի համանախագահության շրջանակներում անցկացնելու անհրաժեշտությունը: Այս առնչությամբ ՄԱԿ գլխավոր քարտուղարը վերահաստատեց աջակցությունը ԵԱՀԿ Մինսկի խմբի համանախագահության ձևաչափին:

Զոհրաբ Մնացականյանը համապարփակ ներկայացրեց թուրք-ադրբեջանական ագրեսիայի հետևանքով Արցախում ստեղծված հումանիտար ճգնաժամը և դրա հասցեագրման ուղղությամբ Արցախի և Հայաստանի իշխանությունների կողմից ձեռնարկվող քայլերը: Զրուցակիցներն անդրադարձան նաև Արցախում հումանիտար ճգնաժամի հետևանքների հասցեագրման ուղղությամբ ՄԱԿ-ի և համապատասխան մարմինների ներգրավմանը:

ԱԳ նախարարը շեշտեց նաև տեղահանված արցախահայության իրավունքների պահպանման և վերականգնման անհրաժեշտությունը և այդ գործընթացում ՄԱԿ-ի կարևոր դերակատարությունը՝ իրեն վստահված միջազգային մանդատի շրջանակներում:

Երկուստեք ընդգծվեց ադրբեջանական օկուպացիայի հետևանքով Արցախում վտանգի տակ հայտնված հայկական պատմամշակութային ժառանգության պահպանման անհրաժեշտությունը։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Զոհրաբ Մնացականյան | Անտոնիո Գուտերեշ | հեռախոսազրույց

Դիտել նաև

Քաղաքական 02 10 2024

ՄԱԿ-ի գլխավոր քարտուղարին Իսրայելում անցանկալի անձ են հայտարարել և արգելել են նրա մուտքը

Այս որոշումը կայացվել է հաշվի առնելով Գուտերեշի արձագանքը Իսրայելի վրա Իրանի նողկալի հարձակմանը. Իսրայելի ԱԳՆ

Մամուլի տեսություն 05 04 2023

Արտաքին դիվանագիտության ոլորտում արդյոք ի՞նչ բացթողումներ են եղել, որոնք կարող էին նպաստել պատերազմին․ «Ժողովուրդ»

Մանրամասներ քննիչ հանձնաժողովի դռնփակ նիստից. ինչ է ասել Զոհրաբ Մնացականյանը

Քաղաքական 04 04 2023

Զոհրաբ Մնացականյանը վերջին պատերազմի 3 հիմնական մեղավորներից մեկն է. Արմեն Աշոտյան

Պետք էր կատարյալ ստահակ լինել, որ չտեսնել այդքանից հետո քո պատճառով երկրի վրա եկող արյունոտ ամպերը․ ՀՀԿ փոխնախագահ

Պաշտոնական 13 03 2023

Պուտինը հեռախոսազրույց է ունեցել Փաշինյանի հետ. Կրեմլ

ՌԴ նախագահն ընդգծել է ռուս խաղաղապահների հետ կողմերի սերտ շփման և փոխգործակցության անհրաժեշտությունը

Քաղաքական 27 01 2023

Ի՞նչ օգուտ ՄԱԿ-ից, եթե այն չի պաշտպանում իր հիմնարար սկզբունքները. Զոհրաբ Մնացականյանի հոդվածը

Եկել է ՄԱԿ-ի առաջնորդության ժամանակը, այլապես տուժածները կգան այն եզրակացության, որ կառույցի հանձնառությունները սին են. ՀՀ նախկին արտգործնախարար

Քաղաքական 11 01 2023

Լաչինի միջանցքում իրավիճակը ՄԱԿ-ի համար պետք է հիշողություններ արթնացնի. Զոհրաբ Մնացականյան

ՀՀ արտաքին գործերի նախկին նախարար Զոհրաբ Մնացականյանը անդրադարձել է արդեն 30 օր Լաչինի միջանցքի շրջափակմանը