Չի բացառվում, որ լինի ուղիղ հարված բժշկական ենթակառուցվածքներին. Արսեն Թորոսյան

«Ադրբեջանի ագրեսիվ գործողությունների հետևանքով մենք ունենք սրված ռազմական իրավիճակ Արցախի Հանրապետության տարածում, որի պատճառով բազմաթիվ վիրավորներ ունենք, ինչպես նաև զոհեր՝ թե՛ ռազմական անձնակազմի շրջանում, թե քաղաքացիական բանկչության, ինչը հատկապես դատապարտելի է: Լրագրողների հետ զրույցում ասաց ՀՀ առողջապահության նախարար Արսեն Թորոսյանը:

«Ես երեկ ուշ երեկոյան եմ վերադարձել Ստեփանակերտից և դա իմ 3-րդ այցն էր: Առաջին օրերի և վերջին օրերի իրավիճակը համեմատելով, ցանկանում եմ ասել, որ  Ստեփանակերտը գտնվում է ամբողջությամբ ռմբակոծության տակ, որևէ տարբերություն չկար այդ հրթիռների թիրախների առումով: Ամբողջովին մոբիլիզացված է Արցախի բժշկական համայնքը, ինչպես նաև Հայաստանից օգնության մեկնած մեր գործընկերները փաստացի երբեմն զրկված են լինում կարիքի մեջ գտնվող մարդկանց օգնություն ցույց տալուց որովհետև Ստեփանակերտը և մյուս քաղաքները գտնվում են օդային տագնապի և ռմբակոծության տակ»: