07 09 2020

Ավտովթար՝ Իջևան-Երևան երթուղային «ԳԱԶելի» մասնակցությամբ․ կա 12 տուժած

Ավտովթար՝ Իջևան-Երևան երթուղային «ԳԱԶելի» մասնակցությամբ․ կա 12 տուժած

Սեպտեմբերի 7-ին, ժամը 18։11-ին Մարզային ճգնաժամային կառավարման կենտրոն ահազանգ է ստացվել, որ Ծովագյուղ գյուղի խաչմերուկում տեղի է ունեցել ՃՏՊ․ կան տուժածներ։ Այս մասին հայտնում են ԱԻՆ-ի լրատվության ծառայությունից։

Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության օպերատիվ խումբը եւ հրշեջ-փրկարարական ջոկատից մեկ մարտական հաշվարկ։

Պարզվել է, որ Մ-4 ավտոճանապարհի Սեւան-Դիլիջան հատվածի 18-րդ կմ-ին բախվել են «Ford» մակնիշի եւ Իջեւան-Երեւան երթուղին սպասարկող «ԳԱԶել» մակնիշի ավտոմեքենաները․ կա 12 տուժած։

Փրկարարների եւ քաղաքացիների համատեղ ուժերով 11 տուժած տեղափոխվել են Սեւանի ԲԿ, մեկ տուժած՝ Դիլիջանի ԲԿ։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ