16 06 2020

Ի տարբերություն պատվեր կատարող ոստիկանների՝ ես բարձր եմ պահել ՀՀ դրոշը․ Ամոյան

Ի տարբերություն պատվեր կատարող ոստիկանների՝ ես բարձր եմ պահել ՀՀ դրոշը․ Ամոյան

Եվրոպայի կրկնակի չեմպիոն Ռոման Ամոյանը ֆեյսբուքյան էջում գրել է․

«Բազմաթիվ զանգերից,հարցադրումներից ելնելով՝ցանկանում եմ ինքս մեկնաբանեմ տեղի ունեցածը: Ես ոչ մի օրինախախտում չեմ արել,ընդհակառակը փորձել եմ հասկանալ ,թե ինչ՞ օրենք եմ խախտել(տեսանյութում ամեն ինչ պարզ երեւում է)։ Հարցի մյուս կողմը. Իմ քայլերը ոչ մի քաղաքական ենթատեքստ չունեն:Ես ընդամենը եկել եմ կանգնելու ՀԱՕԿ նախագահի կողքին,որի շնորհիվ ՀՀ-ում երկար տարիներ զարգացել է սպորտը,իսկ ես հայկական սպորտի մի մասն եմ ինձ համարում։

Ի տարբերություն այսօրվա ոստիկաններին,կսահմանափակվեն այդ բառով,որոնք կատարում են առաջադրանքներ,պատվերներ,ես բարձր եմ պահել հայի եւ ՀՀ դրոշը,այն երկրի դրոշը,որի աշխարհագրական դիրքը գլոբուսի վրա շատ դժվարությամբ է երեւում։ Ինձ չի հետաքրքրում ոչ մի քոմենթ ՝ գրված ֆեյքերի էջերից եւ անինքնասեր մարդկանց կողմից,կներեք չեմ ցածրանա,ուղղակի ունեմ արժանապատվություն եւ ինքնասիրություն,տրանսգենդեր չեմ եւ չեմ խախտել ոչ մի բարոյական արժեք,իմ մասին ֆիլմեր կարծում եմ չի նկարահանվի,ես այլասերություն չեմ տարածում։ Եվ վերջում պարզապես ցանկանում եմ շնորհակալություն հայտնել բոլոր նրանց,ովքեր աջակցեցին ինձ,սա անպատասխան չի մնա։. Երբեք եւ որեիցէ անգամ ես չեմ ընդունել այլ երկրի դրոշի տակ գոտեմարտելու առաջարկը,որպեսզի իմ եւ հայ ազգի դրոշը բարձր պահեմ,բայց արի ու տես, որ երկրում տիրող իրավիճակից, դա չի գնահատվում։

Մի’ պառակտեք եւ թշնամացրեք ազգը,մի բաժանեք մարդկանց. Շնորհակալ եմ»։

Հիշեցնենք, որ ոստիկանները ԱԺ և ԱԱԾ շենքերի դիմացից բերման ենթարկեցին բազմաթիվ քաղաքացիների, որոնք ի աջակցություն Գագիկ Ծառուկյանի՝ ակցիա էին իրականացնում։

Բերման ենթարկեցին նաև Եվրոպայի կրկնակի չեմպիոն, ըմբիշ Ռոման Ամոյանին։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ