24 09 2018

Առաջիկայում կուսումնասիրվեն ոչ կանոնավոր ուղևորափոխադրում իրականացնող վարորդների խնդիրները. Արմեն Փամբուխչյան

Առաջիկայում կուսումնասիրվեն ոչ կանոնավոր ուղևորափոխադրում իրականացնող վարորդների խնդիրները. Արմեն Փամբուխչյան

ՀՀ ՏԿՏՏ փոխնախարար Արմեն Փամբուխչյանը ֆեյսբուքյան իր էջում տեղեկացրել է, որ նախարարության մոտ են հավաքվել ոչ կանոնավոր ուղևորափոխադրում իրականացնող վարորդները և բարձրաձայնել են իրենց հուզող խնդիրները:

 Նա, մասնավորապես, գրել է.

 «ՀՀ տրանսպորտի, կապի և ՏՏ նախարարության մոտ էին հավաքվել ոչ կանոնավոր ուղևորափոխադրում իրականացնող վարորդներ՝ թույլտվությունների «дозволь» վերջանալու հետ կապված բողոքելու նպատակով:

 Դիմել ենք Ռուսական կողմին՝ նոր քանակություն տրամադրելու համար:

 Ի դեպ, վարորդները բարձրաձայնեցին իրենց հուզող այլ խնդիր ևս՝ կապված մրցույթի անցկացման հետ, որի առթիվ վաղը կձևավորվի աշխատանքային խումբ և հանդիպման ընթացքում կքննարկենք մանրամասները: Պայմանավորվածություն ձեռք բերելուց հետո դադարեց բողոքի ակցիան»:

 

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ