Սա մամուլի և խոսքի ազատության դեմ ուղղված քայլ է. հայտարարություն

«Ազատ միտք և ազատ խոսք» հասարակական կազմակերպությունը հայտարարություն է տարածել, որտեղ մտահոգիչ է համարում լրատվամիջոցում անցկացված խուզարկությունը։

«Այսօր առավոտից իրավապահ մարմինները  խուզարկություն են իրականացնում Yerevan Today լրատվամիջոցի գրասենյակում։ Սա՝ մամուլի և խոսքի ազատության դեմ  ուղղված քայլ է։Սոցիալական ցանցերում ամիսներ ի վեր արձանագրվում է տոտալ անհանդուրժողականություն այլակարծության, պաշտոնականից տարբերվող որեւէ մտքի և տեսակետի հանդեպ։ Ագրեսիվ ձևակերպումներին, հայհոյանքներին և սպառնալիքներին այսօր ավելացավ ուժայինների ուղիղ միջամտությունը լրատվամիջոցի գործունեությանը։

Մենք  կոչ ենք անում լրատվամիջոցներին, մամուլի և խոսքի ազատությամբ զբաղվող հասարակական կազմակերպություններրին, իրավապաշտպան կազմակերպություններին արտահայտել հստակ դիրքորոշում տեղի ունեցածի նկատմամբ և իրենց գնահատականը տալ կատարվածի նկատմամբ։ Այսօրվա լռությունը վաղը հանգեցնելու է լրատվամիջոցների տոտալ վերահսկման քաղաքականությանը»։