18 04 2022

Ձերբակալվել է ՔՊ-ական պատգամավոր Սերգեյ Բագրատյանի որդին

SHAMSHYAN.com-ի տեղեկություններով՝ Հայաստանի քննչական կոմիտեի Վայոց Ձորի մարզային քննչական վարչությունում ՀՀ ՔրՕրի 258 հոդվածի 4-րդ մասի հատկանիշներով հարուցվել է քրեական գործ։

Նշված քրեական գործի շրջանակում ձերբակալվել է Երևանի բնակիչ, 27-ամյա Շանթ Բագրատյանը։

Շամշյանի տեղեկություններով՝ վերջինս կասկածվում է ապրիլի 3-ին Վայոց Ձորի մարզում գազալցակայանի տնօրեն 45-ամյա Վահե Ասատրյանին ծեծի ենթարկելու և մարմնական վնասվածքներ պատճառելու մեջ։ Շ․ Բագրատյանն Ազգային ժողովի պատգամավոր Սերգեյ Բագրատյանի տղան է, որը «ԷԿՕ ՕԻԼ» ՍՊԸ-ի տնօրենն է։

Նա հայտնաբերվել է ՀՀ ոստիկանության քրեական ոստիկանության գլխավոր վարչության, ոստիկանության Վայոց Ձորի մարզային վարչության և Հայաստանի քննչական կոմիտեի Վայոց Ձորի մարզային քննչական վարչության ծառայողների կողմից համատեղ ձեռնարկված օպերատիվ-հետախուզական և քննչական միջոցառումների արդյունքում։

Շ․ Բագրատյանը տեղափոխվել է ոստիկանության Վայոց Ձորի բաժնի ձերբակալվածների պահման վայր։ Գ․ Շամշյանի տեղեկություններով՝ այսօր Վայոց Ձորի քննչական վարչության քննիչը դիմելու է Արարատի և Վայոց Ձորի մարզերի ընդհանուր իրավասության դատարան, որպեսզի դատարանը որպես խափանման միջոց 2-ամսյա կալանքի որոշում կայացնի պատգամավորի որդու՝ Շ․ Բագրատյանի նկատմամբ։

Հիշեցնենք, որ Սերգեյ Բագրատյանի որդու կազմակերպած ծեծկռտուքի մասին Yerevan.Today-ը գրել էր դեռ ապրիլի 13-ին։ Հայտնել էինք, որ, մեր ունեցած տեղեկություններով, մտնելով վայքեցու աշխատասենյակ, Բագրատյանի որդին և ընկերները ձեռքին ծանր առարկայով հանկարծակիի բերելով, 28 տեղից հարվածներ են հասցրել նրան՝ հասցնելով այն վիճակին, որ արնաշաղախ վիճակում վերջինիս տեղափոխել են հիվանադանոց։

Դեպքից հետո ծեծի ենթարկված քաղաքացին փորձել է իր հարաբերությունները պարզել Բագրատյանների հետ, սակայն, ինչպես հայտնում է մեր աղբյուրը, Սերգեյ Բագարտյանը սկզբում փորձել է կոծկել որդու արարքը՝ ասելով, որ ներողություն կխնդրի, այնուհետև հայր և որդի ասել են՝ լավ են անում։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Սերգեյ Բագրատյան

Դիտել նաև

Մամուլի տեսություն 13 12 2023

ՔՊ-ականի կնոջը դեռ չեն հարցաքննել․ «Ժողովուրդ»

Նախաքննական մարմինը քննարկել է այն հարցը, որ ՔՊ-ական պատգամավոր Սերգեյ Բագրատյանի կնոջը՝ Նաիրա Հակոբյանին, պետք է հարցաքննել

Հասարակություն 28 11 2023

Բերման են ենթարկվել Սերգեյ Բագրատյանի կնոջ՝ ապօրինի շահագործված հանքի աշխատակիցները. Hetq.am

Ավազի հանքի աշխատանքը դադարեցվել է

Տնտեսություն 17 11 2023

Սերգեյ Բագրատյանը փորձում է արդարացնել ավազի ապօրինի արդյունահանումը․ «Հետք»

Հանքի վրա ինտենսիվ ի՞նչ այգի պետք է հիմնեին․ փորձել են քողարկել ավազի ապօրինի արդյունահանումը

Հասարակություն 15 11 2023

Սերգեյ Բագրատյանի կինն ավազի ապօրինի հանք է շահագործվում․ «Հետք»

Հայաստանի սեփականությունը համարվող ընդերքն ամիսներ շարունակ ապօրինի արդյունահանվել է ՔՊ-ականի կնոջ կողմից

Մամուլի տեսություն 27 07 2023

Սերգեյ Բագրատյանը 2022 թվականին երկու հողամաս է վաճառել․ «Ժողովուրդ»

Մեկ տարվա ընթացքում ՔՊ-ական պատգամավորի եկամուտը կազմել է 8 մլն 445 հազար դրամ

Սոցիալական 19 07 2023

Ըստ Սերգեյ Բագրատյանի, քաղաքացին ոչ միայն տուգանելու մատերիալ է, այլ նաև հարգելու

ՔՊ-ական պատգամավորը խնդիրը զանգով է լուծել․ բողոքում է պաշտոնյաներից