Փոքր մարդիկ միշտ անցողիկ են, ես վստահ եմ, որ Հայաստանն ու Արցախը շարունակելու են իրենց վերելքը․ Աղվան Վարդանյան

Հայ զինվորը չի պարտվել, հայ սպան չի պարտվել։ Լրագրողների հետ զրույցում ասաց «Հայաստան» խմբակցության պատգամավոր Աղվան Վարդանյանը։

«Մենք այսօր նշում ենք Հայոց բանակի 30-ամյակը, և մենք, մեր բանակը, մեր անվտանգությունը, մեր պաշտպանը, ցավոք, դժվար ժամանակներ ենք ապրում։ Ցավոք մեր պետության, մեր բանակի համար դժվար ժամանակներ են, և այս վերջին պարտությունը շատ ավելի ապաշնորհ ղեկավարության կասկածելի արժեքներով առաջնորդվող այս իշխանության մեղքն է ակնհայտերոն։ Բայց ես վստահ եմ և այսօր էլ լավատեսությամբ պետք է խոսենք, վստահ եմ, որ մենք այս վիճակը շրջելու ենք, մեր բանակը շարունակելու է հզորանալ կանգնել և՛ Հայաստանի, և Արցախի պաշտպանության դիրքերում»։ 

Նշենք, որ խմբակցության պատգամավորները Հայոց բանակի օրվա առթիվ երեկ և այսօր այցելել են առաջնագծի տարբեր հատվածներ՝ ծանոթացել ծառայության պայմաններին, առկա իրավիճակին։ Նրանք եղել են Սյունիքի, Գեղարքունիքի, Տավուշի ևԱրարատի զորամասերում և դիրքերում։