ԵՊՀ ռեկտորի ժ.պ-ն դատի է տվել ԵՊՀ նախկին խոսնակին․ գումար չունի և խնդրում է դատարանին, որ պետական տուրքի վճարումը հետաձգվի

Գևորգ Էմին-Տերյանը ֆեյսբուքյան իր էջում գրում է․

Սիրելի ընկերներ, բարեկամներ, պարզապես բարի մարդիկ,

Ես երբեք նման ոճի գրառում չեմ արել, բայց կյանքն այնպիսի բան է, որ չգիտես, թե ինչ կլինի, և ահա եկել է բացառություն անելու ժամանակը։ Մի հրեշալի անձնավորություն` ԵՊՀ ռեկտորի ժ.պ. Հովհաննես Հովհաննիսյանը, ինձ դատի է տվել, բայց բավարար ֆինանսական միջոցներ չունի և խնդրում է դատարանին, որ պետական տուրքի վճարումը հետաձգվի։

Սիրելիներս, ես Ֆեյսբուքում ունեմ մոտ հինգ հազար ընկեր. եթե հինգից մեկը 10 դրամ փոխանցի ԵՊՀ-ն ղեկավարող անձնավորությանը, ապա վստահ եմ, որ ԵՊՀ-ն գոնե մասամբ կհաղթահարի այն խայտառակ իրադրությունը, որում հայտնվել է։

Մանավանդ որ առաջիկայում մեզ սպասում է մի չափազանց գունագեղ և հարուստ դատական գործընթաց, և ամեն ինչ պետք է անել, որպեսզի այն կայանա ըստ արժանվույն։

Փոխանցումն անում եք ԵՊՀ հաշվեհամարին (մանրամասները` ստորև), սքրինշոթ եք անում և տարածում #ՕգնենքԽեղճՀովիկին հեշթեգով։

Կազմակերպություն - «Երևանի պետական համալսարան» հիմնադրամ
Բանկը - «Արդշինբանկ» ՓԲԸ
Հաշվեհամարը (ՀՀ դրամ) - 2470100009060000
Նպատակը - Նյութական աջակցություն խեղճ Հովիկին

Շնորհակալություն ուշադրության և աջակցության համար։