Փաշինյանը հաղթահարելու է տարածաշրջանում թշնամության մթնոլորտը. կառավարության ծրագիրը

Այսօր կառավարության նիստում Նիկոլ Փաշինյանը ներկայացրեց կառավարության ծրագիրը, որը պետք է քննարկվի և ընդունվի Ազգային ժողովում։

Նախագիծը բաղկացած է վեց բաժնից՝ անվտանգություն և արտաքին քաղաքականություն, տնտեսություն, ենթակառուցվածքների զարգացում, մարդկային կապիտալի զարգացում, իրավունք և արդարադատություն և ինստիտուտցիոնալ բաժանում։ Ըստ Փաշինյանի՝ նախագծի հիմնական քաղաքական ուղերձը ծրագրի նախաբանում է և նա ընթերցեց այդ հատվածը։  Նիկոլ Փաշինյանն ասաց, որ բարեփոխված զինված ուժերը պետք է լինեն մեր անվտանգության ապահովման հիմնական գործոնը և կարևորեց ակտիվ արտաքին քաղաքականությունը որպես անվտանգության ապահովման հաջորդ գործոն։

ՀՀ–ն պետք է վարի ակտիվ և նախաձեռնողական արտաքին քաղաքականություն

Նիկոլ Փաշինյանը ներկայացրեց նաև կառավարության ծրագրում հայ–ռուսական ռազմավարական դաշինքին, ՀԱՊԿ–ին, Մինսկի խմբի աշխատանքներին վերաբերող շեշտադրումները։

«Մենք տարածաշրջանի խաղաղության և կայունության համար էական ենք համարում թշնամության մթնոլորտի կառավարումը և հաղթահարումը։ Տարածաշրջանի կայունությունը և խաղաղությունը արձանագրում ենք որպես մեր երկարատև ռազմավարություն»: