44-օրյա պատերազմի խնդիրները չի կարելի իջեցնել ասֆալտի մակարդակին․ Սեյրան Օհանյան

Եթե Նիկոլ Փաշինյանը տիրապետում է պետական կառավարման և ռազմական կառավարման համակարգին, և ընդհանուր առմամբ այն անձանց, որոնք այդ համակարգի ներսում են եղել և պաշտոններ զբաղեցրել, ինքը և ընդհանրապես, մեր ժողովուրդը պետք է հասկանան, որ որևէ մեկ անձ, որը որևէ պետական կամ ռազմական պաշտոնում չի եղել, չէր կարող որևէ լծակ ունենար այս կամ այն գործողությունը ղեկավարելու համար: Որոշումներ կայացնելու իրավունքը տրված է պետությանը, գերագույն հրամանատարին և ռազմական ղեկավարությանը: Այս մասին Ազգային ժողովում լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը։

Անդրադառնալով Անդրանիկ Քոչարյանի այն խոսքին, թե Սեյրան Օհանյանը պետք է բացատրի, թե շքեղ առանձնատուն իրեն որտեղից, ինչ միջոցներով է ձեռք բերել, նախկին նախարարն ասաց. «Այդ բոլոր հարցերը կարող եք տալ Անդրանիկ Քոչարյանին: Ես մեկ բան միայն կարող եմ ասել, որ Անդրանիկ Քոչարյանը դատավոր չէ: Բոլոր հնարավորություններն իրենք ունեն ստուգումներ իրականացնելու և պարզելու: Եթե խոսքն անվտանգության համակարգի մասին է, անվտանգության խնդիրների, 44-օրյա պատերազմի մասին է, դա չի կարող իջնել ասֆալտի, պարկետի մակարդակի»:

Մնարամասները՝ տեսանյութում: