Այս իշխանությունը որևէ խոստում չի կատարել․ այսպիսի արդյունքով մարդամեջ դուրս գալը ամոթ է․ Ռոբերտ Քոչարյան

Էլիտայի դեմ պայքարի հետևանքները շատ ծանր են, բայց այս ամեն ինչի համար կան մեղավորներ ու պատասխանատուներ։ Այս մասին Նոյեմբերյանում հրավիրած հանրահավաքի ժամանակ ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

«Ուղիղ մեկ տարի առաջ, Սևանում ընկերս թրաշով եկավ։ Հավաքվածներից մեկն ասաց՝ «Չես վախենո՞ւմ, որ բռնեն նախարար նշանակեն»։

Այս իշխանությունը հենց այդ սկզբունքով էր կառավարություն ձևավորում, մարդկանց պաշտոնների նշանակում, և բոլորս սրա արդյունքը տեսանք։ Մարդիկ, որ բացարձակ գաղափար չեն ունենում ոլորտից, սկսում են այդ ոլորտը ղեկավարել։ Պաշտոնին նստելուց հաջորդ օրն արդեն սկսում են հավատալ, որ դրա մասնագետ են, փորձագետը, առաջնորդը, և սկսում են որոշումներ կայացնել, որոնք, փոխանակ ոլորտն առաջ տանեն, հետևողականորեն քայքայում են այն, ինչ եղել է մինչև նրանց գալը։ Մենք սա տեսել ենք մշակույթի, գյուղի ու բանակի հետ կապված», - նշեց նա։

 Նախագահն ասաց, որ նրան զարմացնում է այսօրվա քարոզարշավը։

«Իշխանությունները պետք է հաշվետվություն ներկայացնեն՝ թե ինչ են խոստացել ու ինչ են արել։ Բայց ունենք զրո արդյունք, և այդ արդյունքով մարդամեջ դուրս գալն ուղղակի ամոթ է», - ասաց Երկրորդ նախագահը։

Մանրամասն՝ տեսանյութում։