28 02 2021

Խորհրդարանում նիկոլականության ձայները բավարար չեն նախագահի իմպիչմենտի համար․ Նաիրա Զոհրաբյան

Խորհրդարանում նիկոլականության ձայները բավարար չեն նախագահի իմպիչմենտի համար․ Նաիրա Զոհրաբյան

Վաղը, ժանրի կանոններին համաձայն, բռնի ուժով հրապարակ բերված ժողովրդին Նիկոլը կբերի նախագահի նստավայր ու կփորձի իր տնայնագործական լաչառությամբ ճնշում գործադրել նախագահի վրա։ Այս մասին իր ֆեհսբուքյան էջում գրել է ԲՀԿ-ական պատգամավոր Նաիրա Զոհրաբյանը:

«Նիկոլի ու սորոսական խունտայի հերթական մյուզիքլը

Խորհրդարանի «ամենահզոր» իրավաբանը, մեր օրերի Գուգո Գրոցին, ՀՀ նախագահին սպառնացել է իմպիչմենտով։

Մեր օրերի Գուգոն եւ սորոսական խունտան զայրացել է, որ նախագահը չի տրորում Սահմանադրությունը եւ չի կատարում Նիկոլի կապրիզը՝ հաստատել Օնիկ Գասպարյանի պաշտոնանկությունը։

Վաղը, ժանրի կանոններին համաձայն, բռնի ուժով հրապարակ բերված ժողովրդին Նիկոլը կբերի նախագահի նստավայր ու կփորձի իր տնայնագործական լաչառությամբ ճնշում գործադրել նախագահի վրա։

Ի դեպ, խորհրդարանում նիկոլականության ձայները բավարար չեն նախագահի իմպիչմենտի համար, ուստի օդի այս տատանումները նիկոլականության անիմաստ կոնվուլսիաներն են։

Ի՞նչ ասեմ. խաղաղ հոգեվարք։

Իսկ բոլոր նրանք, ովքեր թույլ կտան, որ վաղը իրենց բերման ենթարկեն նիկոլականության ակտին, ընդամենը հիշեն մի բան՝ աջակցելով Նիկոլին, իրենք աջակցում են Ադրբեջանին եւ Թուրքիային ու իրենց անուրանալի լուման են ներդնում նոր Բայրաքթարների ստեղծման գործում։

Հուսանք՝ նախագահը չի վախենա նիկոլականության վաղվա սպարտակիադայից, ովքեր վաղը Հիերոնիմ Բոսխի սարսափազդու միզանսցեններ են բեմադրելու Բաղրամյան պողոտայում»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ