Պատերազմի ամենաթեժ պահին ԱԱԾ-ի ուշադրության կենտրոնում ինչ-որ ֆեյք է եղել․ Գոհար Մելոյան

Պարզվում է դեռևս հոկտեմբերն կեսից՝ պատերազմի ամենաթեժ պահին ԱԱԾ-ի ուշադրության կենտրոնում ինչ-որ ֆեյք է եղել։Այդքան ռեսուրս են այդ ֆեյքի ուղղությամբ ծախսել։ Մինչդեռ հարյուրավոր  փաստեր են առկան, որոնոք վկայում են պետական դավաճանության մասին, ունենք պարտությամբ ավարտված պատերազմ, և առաջնահերթությունը բազմաթիվ խնդիրների թողած, մեր ԱԱԾ-ն ինչո՞վ է զբաղվել։ Այս մասին լրագրողների հետ հանդիպմանն ասաց սահմանադրագետ Գոհար Մելոյանը։

Հիշեցնենք, որ Ազգային անվտանգության ծառայությունը ձերբակալել էր Ազգային ժողովի աշխատակազմի նախկին ղեկավար Արա Սաղաթելյանին, «Քառյակ մեդիա»-ի համահիմնադիր Կարեն Բեքարյանին և «Պառլամենտարիզմի զարգացման միջազգային կենտրոն» հասարակական կազմակերպության գրասենյակի մենեջեր Մհեր Ավագյանին, նրանցից բոլորի մասով դատարանը կալանավորումը ոչ իրավաչափ է համարել, իսկ Արա Սաղաթելյանը կալանավորվել է 2 ամսով:

Նրանք ձերբակալվել են Քրեական օրենսգրքի 226-րդ (կազմակերպված խմբի կողմից ազգային, ռասայական կամ կրոնական թշնամանք հարուցելը), 226.2 -րդ (կազմակերպված խմբի կողմից բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը), 307.4 - րդ հոդվածների (ռազմական դրության իրավական ռեժիմի ընթացքում տեղեկությունների հրապարակման կամ տարածման կանոնները խախտելը) հատկանիշներով:

Մելոյանը մանրամանսեր ներկայացրեց կեղծ օգտատիրոջ գործով ձերբակալություններից: