23 11 2020

Գորիսի ավագանու անդամը կոչ է անում ոտքի կանգնել և փրկել Սյունիքն ու Հայաստանը հետագա իրադարձություններից

ՀՀ Սյունիքի մարզի Գորիս համայնքի ավագանու անդամ Գարիկ Գևորգյանը ֆեյսբուքյան իր էջում գրառում է կատարել՝ կոչով դիմելով Գորիսի ավագանու անդամներին և Սյունիքի բոլոր համայնքների ՏԻՄ ներկայացուցիչներին.

«Սիրելի՛ գործընկերներ, Գորիսի ավագանու անդամ լինելս պարտավորեցնում է այս ճատակագրական պահին քայլեր ձեռնարկել ՝ պահպանելու համար մեր երկիրը։
Մեր պետականության և ազգի համար ճակատագրական այս պահին՝ որպես ժողովրդի կողմից ընտրված ՏԻՄ ներկայացուցիչ, կոչ եմ անում հանդես գալ իշխանություններին և հասարակությանն ուղղված հայտարարությամբ։ Անցած երեք տասնամյակի ընթացքում տարբեր ոլորտներում արձանագրված սխալները, անիրատեսական և հաճախ ինքնախաբեության բնույթ ունեցող մոտեցումները ստեղծել և խորացրել են խնդիրներ, որոնք առավել ցայտուն դրսևորվեցին Թուրքիայի և Ադրբեջանի կողմից սանձազերծված պատերազմի ժամանակ։

Իշխանությունների գործողությունները, սեփական սխալների և պատասխանատվության մերժումը ոչ թե նպաստում են լարվածության թուլացմանը, այլ ընդհակառակը՝ բորբոքում։

Թեև 2018 թ֊ի հեղափոխության ջատագովներից ու ակտիվ մասնակիցներից մեկը ես եմ եղել Գորիսում, սակայն հիմա, ըստ իս, նման իրավիճակից դուրս գալու հույսեր կարող է ծնել միայն վարչապետ Նիկոլ Փաշինյանի և ամբողջ կառավարության հրաժարականը, որին կհաջորդի ազգային համերաշխության ժամանակավոր կառավարության ձևավորումը, որը բաղկացած կլինի բացառապես պրոֆեսիոնալներից, համապատասխան ոլորտների մասնագետներից։

Հարգելի գործնկերնե՛ր, կոչ եմ անում միանալ վարչապետ Նիկոլ Փաշինյանի հրաժարականը պահանջելու նախաձեռնությանը, ոտքի կանգնել և փրկել Սյունիքն ու Հայաստանը հետագա վտանգավոր իրադարձություններից։

Միևնույն ժամանակ, կոչով դիմում եմ նաև հանրությանը՝ համախմբվելու պետականության պահպանման համար կարևոր գաղափարների շուրջ՝ կտրականապես մերժելով երկպառակության, անջրպետների խորացման ցանկացած փորձ։

Այս վճռորոշ և ճակատագրական պահին հասարակության բոլոր շերտերի, պրոֆեսիոնալ և կարող ուժերի, պետական ինստիտուտների, քաղաքական կուսակցությունների ջանքերը պետք է ուղղված լինեն միասնականության վերահաստատմանը՝ հանուն Հայաստանի և Արցախի»,- գրել է Գևորգյանը:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Գորիս | Սյունիք | ավագանու անդամ | պատերազմ | իշխանություններ

Դիտել նաև

Հասարակություն 12 11 2024

Սյունիքում բեռնատարներ են արգելափակվել ձյան շերտի մեջ

Փրկարարներն արգելափակումից դուրս են բերել 7 բեռնատար, իսկ խցանումից դուրս են եկել մոտ 50 մարդատար և 200 բեռնատար ավտոմեքենա

Իրավական 11 11 2024

Մեքենայի կայանման շուրջ վիճաբանության պատճառով կրակել են 32-ամյա տղամարդու ուղղությամբ. Ոստիկանություն

Վնասվածքներ ստացած երիտասարդը տեղափոխվել էր հիվանդանոց․ Սիսիանի քննչական բաժնում նախաձեռնվել է քրեական վարույթ

Հասարակություն 25 10 2024

Ինչո՞ւ պատերազմի օրերին ազատեցին ԱԱԾ ռազմական հակահետախուզության պետին․ 168․am

Արդյո՞ք այս պատճառները կարող են տարածվել նաև ԱԱԾ տնօրենի պաշտոնից 2020 թվականի հոկտեմբերի 8-ին ազատված Արգիշտի Քյարամյանի վրա

Հասարակություն 22 10 2024

Սյունիքում մեծ թվով ավտոմեքենաներ են արգելափակվել

Տաթև-Լծեն ավտոճանապարհից դուրս են բերվել 20-ից ավելի տրանսպորտային միջոցներ, այդ թվում՝ բեռնատարներ

Քաղաքական 20 10 2024

Որևէ պայմանագիր պատերազմի խոչընդոտ չէ. Ալեն Սիմոնյան

ԱԺ նախագահը վերահաստատեց ՝ Հայաստանն առաջ է գնում իր խաղաղության հաստատման օրակարգով

Հասարակություն 18 10 2024

Մոտ 3,5 միլիոն դոլար պարգևավճար՝ վատ աշխատանքի համար․ ավագանու անդամ

2023թ.՝ պարգևավճարը կազմել է 549․ 324․ 465 ՀՀ դրամ. 2024թ. հոկտեմբերի 8-ի դրությամբ պարգևավճարը կազմել է 778․ 292․ 524 ՀՀ դրամ կամ որ նույնն է՝ ավելի քան 2 միլիոն դոլար