31 03 2020

Թուրքիայի կարծիքը լիովին համընկնում է Ադրբեջանի տեսակետի հետ. Արցախի ԱԳՆ

Արցախի Հանրապետության ԱԳՆ տեղեկատվության եւ հասարակայնության հետ կապերի վարչությունը մեկնաբանել է Թուրքիայի արտաքին գործերի նախարարության հայտարարությունն այն մասին, որ Արցախում նախագահական եւ խորհրդարանական ընտրությունները խախտում են Ադրբեջանի տարածքային ամբողջականությունը եւ խաթարում են ադրբեջանա-ղարաբաղյան հակամարտության խաղաղ կարգավորմանն ուղղված ջանքերը։

Արցախի ԱԳՆ մեկնաբանությունում ասվում է.

«Թուրքիայի ԱԳՆ հայտարարությունը՝ Արցախի Հանրապետությունում կայանալիք նախագահական եւ խորհրդարանական ընտրությունների վերաբերյալ, Անկարայի կողմնակալ եւ ապակառուցողական դիրքորոշման հերթական օրինակն է:

Այս հարցում Թուրքիայի կարծիքը լիովին համընկնում է Ադրբեջանի տեսակետի հետ: Անվերապահորեն սատարելով Ադրբեջանին եւ հանդես գալով հայտարարություններով, որոնք խաթարում են միջազգային միջնորդների ջանքերը՝ թուրքական կողմը լուրջ վնաս է հասցնում ադրբեջանա-ղարաբաղյան հակամարտության խաղաղ կարգավորման գործընթացին։

Անկարայի մոտեցումներն ակնհայտ կերպով հակասում են ԵԱՀԿ Մինսկի խմբի համանախագահների դիրքորոշմանը, որոնք միջազգային հանրության կողմից օժտված են ադրբեջանա-ղարաբաղյան հակամարտության կարգավորման գործընթացում միջնորդական առաքելություն իրականացնելու մանդատով։

Արցախի Հանրապետությունում 2012 եւ 2015 թվականների ընտրությունների վերաբերյալ իրենց հայտարարություններում ԵԱՀԿ Մինսկի խմբի համանախագահներն ընդունում են «անհրաժեշտությունն առ այն, որ Լեռնային Ղարաբաղի դե ֆակտո իշխանությունները ձգտում են ժողովրդավարական ընթացակարգերով կազմակերպել իրենց ժողովրդի հանրային կյանքը», ինչպես նաեւ ճանաչել են «Լեռնային Ղարաբաղի ժողովրդի դերը՝ իրենց ապագան որոշելու հարցում»:

Ադրբեջանա-ղարաբաղյան հակամարտության հարցում Անկարայի ապակառուցողական քաղաքականությունը եւս մեկ անգամ հաստատում է ԵԱՀԿ Մինսկի խմբին Թուրքիայի անդամակցության բացարձակ աննպատակահարմարությունը:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Թուրքիա | Արցախ | Ադրբեջան | ԵԱՀԿ Մինսկի խմբի համանախագահներ

Դիտել նաև

Հասարակություն 18 04 2024

Ինչու ռուսական զորքը լքեց Արցախը․ վերլուծական

Ալիևն ու Փաշինյանը վերջակետ դրեցին հակահայկական արարի 1-ին փուլին

Մշակույթ 18 04 2024

Արցախում գտնվող ամբողջ մշակութային ժառանգությունը գտնվում է ոչնչացման և յուրացման վտանգի տակ

Ամբողջ աշխարհում արժևորում են հուշարձանների նշանակությունն կազմակերպելով տարբեր միջոցառումներ․ Այս ամենին զուգահեռ բռնազավթված Արցախում Ադրբեջանի պետական վարչակարգը ամբողջ աշխարհի աչքի առջև ոչնչացնում է մոլորակի մշակութային ժառանգության մաս հանդիսացող քաղաքակրթական արժեքները

Մամուլի տեսություն 16 04 2024

1000 տիրազուրկ հորերից ջուրը հոսում է Թուրքիա. Նիկոլ Փաշինյանը խաբել է. մաս 199․ «Ժողովուրդ»

Այս տեմպերով խորքային հորերի կոնսերվացմանը կպահանջվի տասնյակ տարիներ

Մամուլի տեսություն 16 04 2024

Այլեւս կասկած չկա, որ Թուրքիան ցեղասպանությունից հրաժարվելու նախապայման է առաջ քաշել. «Հրապարակ»

Փաշինյանը թերեւս հող է նախապատրաստում՝ մի քանի օր անց ցեղասպանության տարելիցի օրն աշխարհացունց ուղերձ հրապարակելու համար, որով, հավանաբար, կուրանա հայոց պատմության այս մի էջը նույնպես՝ փորձելով բավարարել թշնամու հերթական պահանջը

Տնտեսություն 12 04 2024

2024-ին Թուրքիայից Հայաստան արտահանմանման ծավալն արդեն կազմել է 124.000 դոլար

2024-ի հունվարից մինչև մարտ Թուրքիան կատարել է 5 մլրդ 948 մլն դոլարի արտահանում

Մամուլի տեսություն 11 04 2024

Ադրբեջանը մերժում է իրավական բոլոր փաստաթղթերը․ «Հրապարակ»

Մհեր Գրիգորյանը հավաստիացրել է, որ բոլոր փաստաթղթերը հանձնաժողովներն ուսումնասիրում են, խնդիրն այն է, որ չկա համաձայնություն