09 03 2020

Անձինք, որոնք պետք է ամաչեին փողոցում քայլել, ջրի երես են դուրս գալիս․ Սարհատ Պետրոսյան

Նախորդ երկու շաբաթների ընթացքում երկու նորություն եղավ. առաջինը ԱՕԿՍ-ի շենքի վերաբերյալ իրավապահ մարմնի հայտարարությունն էր, որ. «… պատմության ու մշակույթի հուշարձաններ ոչնչացնելու կամ վնասելու հատկանիշներով քրեական գործ է հարուցվել»: Այս մասին Facebook-ի իր էջում գրել է Կադաստրի պետական կոմիտեի նախկին ղեկավար Սարհատ Պետրոսյանը։ Վերջինս նշում է․

«Այս պատմությանը չէի անդրադառնա, եթե նույն շրջանում չլիներ մեկ այլ հայտարարություն, այս անգամ Երեւանի քաղաքապետարանի կողմից՝ Օպերայի հրապարակի շրջակայքի համար մրցույթ հայտարարելու մասին։

Չեմ անդրադառնում այդ մրցույթին, քանի որ դա մեկ անգամ եւս ապացուցեց, որ իրականում որեւէ փոփոխություն չկա նման խոշոր մասշտաբով խնդիրներ լուծելու եւ առհասարակ նորմալ կազմակերպված ճարտարապետական մրցույթների միջոցով գաղափարներ գեներացնելու համար։ Սակայն փաթեթում աչքիս զարնեց ժյուրիի կամ այստպես ասած ընտրող հանձնաժողովի կազմը, ու հատկապես՝ մեկ անուն։

Մրցույթում տխրահռչակ Քաղաքաշինության կոմիտեն ներկայացնում է 2012 թվականին ԱՕԿՍ-ի շենքի քանդումն արդարացրած՝ մշակույթի նախարարության նախկին պաշտոնյան (տե՛ս հղումը՝ այստեղ)։ Նույնիսկ նրան չէի անդրադառնա, եթե, համաձայն օդում կախված լուրերի, փորձ չլիներ նրան որպես «ոլորտի լավագույն գիտակ» մշակույթի նախարարություն հրավիրել աշխատանքի, կամ նորից ըստ օդում կախված լուրերի, նույն այդ ժամանակաշրջանում մշակույթի ոլորտը համակարգած փոխնախարարը չհավակներ Հայաստանի ճարտարապետության եւ շինարարության ազգային համալսարանի ճարտարապետության ֆակուլտետի դեկանի պաշտոնին ու, ավելին, դա լուրջ դեմքերով չքննարկվեր նրա թեկնածությունը տարբեր ձեւաչափերով։

Մենք կարող ենք բազմաթիվ կիսատ-պռատ որոշումների, մասնագիտական առումով բոբիկ մտքերի համար լինել ներողամիտ, բայց երբ կոնկրետ անձինք, որոնք վերջին երկու տարիների փոփոխություններից հետո պետք է ամաչեին փողոցում քայլել, այսօր ջրի երես են դուրս գալիս՝ պետք է ստանան արժանին։ Սրա նպատակը ոչ թե այդ մարդկանց մինչեւ վերջ ոչնչացնելն է, այլ այսօր նման գործարքների մեջ մտնող մարդկանց ցույց տալը, որ եթե հիմա ինչ-որ պատճառով (թայֆաբազության՝ հիմնականում) պլստացին իրավական պատասխանատվությունից, ապա երկարաժամկետ կտրվածքով կրելու են բարոյական պատասխանատվություն այս ամենի համար։

#ՈչինչՄյուսԱնգամ ինստիտուցիոնալ մոտեցումը ոչ միայն կլինի հայտարարությունների տեսքով, այլ ամենօրյա գործով»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Սարհատ Պետրոսյան | Կադաստրի նախկին պետ

Դիտել նաև

Հասարակություն 13 11 2023

Ո՛չ մի ցուցանակ թե ինչ է կատարվում, ո՛չ մի նորմալ նախագծային լուծում. Սարհատ Պետրոսյան

Ընտրությունների օրերին սղոցվող բարեկարգումների կողքին ներկայիս «նախաձեռնությունները» կարծես չեն գովազդվում

Հասարակություն 27 08 2023

Ո՞վ է վճարում այդ պոպուլիստական քայլի շրջանակում ապամոնտաժման համար. Սարհատ Պետրոսյան

Իսկ կլինի ՔՊ նախընտրական ֆոնդից վճարեք դա կամ գոնե արդեն ըստ օդում կախված լուրերի շոշափելի հարստություն դիզած փոխքաղաքապետը․ Կադաստրի կոմիտեի նախկին ղեկավար

Հասարակություն 07 06 2023

Եթե ունենանք Թուրքիայի երկրաշարժի հզորություն, ապա Հայաստանի շինությունների 80 տոկոսը փլվելու է․ Սարհատ Պետրոսյան

ՀՀ-ում առավելագույն թույլատրելի բազմահարկ շենքը 18 հարկն է, բայց Երևանում 50-ին հասնող շենքեր կան, որ 18 հարկը գերազանցում են․ ճարտարապետ

Հասարակություն 04 12 2021

Երկիր ենք կորցնում, ի՞նչ հուշարձան, ի՞նչ կոռուպցիոն սխեմա, ի՞նչ բան..․ Սարհատ Պետրոսյան

Կա մեկ օրակարգ ու դա կապիտուլանտ իշխանության հեռացումն է՝ պարտվողի խարանից ազատումը. Կադաստրի կոմիտեի նախկին ղեկավար

Քաղաքական 19 07 2021

Հուսով եմ, որ մեր առաջիկա իշխանափոխությունը կլինի բնականոն կերպով՝ մոտ ապագայում․ Սահրատ Պետրոսյան

Մենք ունենք իշխանություն, որը ենթադրաբար կշարունակի կառավարել երկիրը գոնե 1-2 տարի․ կարծիք

Քաղաքական 26 03 2021

Նրանք կարծում են, որ մենք «հավատում» ենք, որ սա չի արվում հողատուի կյանքը երկարեցնելու համար. Սարհատ Պետրոսյան

Մի նախկին աշխուժակ, ով հիմա կառավարության նիստերին ա մասնակցում, նախկինում միշտ բողոքում էր, որ ոստիկաննրի աշխատավարձը բարձրացվում է, իսկ բանակի բյուջեն՝ ոչ