Բոլորը պատկերացնում են՝ ովքեր են «սևազգեստները»․ Արթուր Վանեցյան

Չեմ նշել, որ շատ հայտնի են սևազգեստները, նշել եմ, որ բոլորը շատ լավ պատկերացնում են՝ ում մասին է խոսքը: Այս մասին լրագրողների հետ զրույցում ասաց

Ազգային անվտանգության ծառայության պետ Արթուր Վանեցյանը, լրագրողների հետ զրույցումանդրադառնալով «սևազգեստների» թեմային, վերահաստատեց, որ բոլորը շատ լավ պատկերացնում են, թե ում մասին է խոսքը։

«Թողնում եմ դա յուրաքանչյուրի հայեցողությանը՝ իրենք որոշեն, թե ովքեր են սևազգեստները: Ոստիկանությունը մշտապես կատարում է իր գործառույթները և մշտապես ԶԼՄ-ներով լուսաբանվում է իրենց կատարված աշխատանքները»,-նշեց նա:

Արթուր Վանեցյանը նշեց, որ Ոստիկանությունն այդ անձանց հայտնաբերելու մասով համապատասխան գործողություններ է իրականացնում։ Այլ մանրամասներ նա չհաղորդեց։

Հիշեցնենք, որ կառավարության հունիսի 6-ի նիստում վարչապետ Նիկոլ Փաշինյան անդրադարձել էր, իր խոսքով, բռնություն քարոզողների դեմ պայքարին: «Այդ սևազգեստ խմբերին պետք է տեղորոշել, սև շորերի հարցը լուծել, ծաղկավոր «բաբչկան» կապել և հնարավորինս վառ ծաղիկներով ճանապարհել քաղաքակիրթ օրինական կյանքի»,– հրահանգել էր  Նիկոլ Փաշինյանը: