Մեքսիկայում չեղարկվում են բյուջեի հաշվին պատգամավորների ուղևորությունները

Մեքսիկայի խորհրդարանի քաղաքական համակարգման խորհրդի ղեկավար Մարիո Դելգադոն հայտնել է բյուջեի տնտեսման նպատակով պատգամավորների արտասահմանյան ուղևորություններ չեղարկման մասին, գրում է РИА Новости-ն։

Բյուջեի միջոցները խնայելու ծրագիրն առաջին քայլերից մեկն է, որոնց մասին հայտարարել էր Մեքսիկայի ապագա նախագահ Անդրես Մանուել Լոպես Օբրադորը հուլիսի 1-ի ընտրություններում հաղթելուց հետո: Նա խոստացել է չեղարկել բյուջեի հաշվին պաշտոնյաների բժշկական ապահովագրությունը և հայտարարել, որ իր իշխանության գալուց հետո ոչ մի պաշտոնյա չի կարողանալու ավելի շատ գումար ստանալ, քան պետության ղեկավարը: Իսկ իր աշխատավարձը Աբրադորն սահմանափակել է ամսական 108 հազար պեսոյով, որը կազմում է մոտ 5,6 հազար դոլար։

Ինչպես նշվում է Դելգադոյի հաղորդագրության մեջ, խորհրդարանի ստորին պալատի ներկայացուցիչները հրաժարվել են մասնակցել սեպտեմբերին կայանալիք երկու միջոցառման՝ Կանադայում ParlAmericas լիագումար ասամբլեային և Բալիում կայուն զարգացման համաժողովին։ 

Դելգադոյի խոսքով՝ Մեքսիկայի նոր խորհրդարանը, որը դեռ նոր է սկսել իր աշխատանքը, ընդհանուր առմամբ մտադիր է լրջորեն վերանայել բյուջեի հաշվին պատգամավորների արտասահմանյան ուղևորությունները։