Հող է նախապատրաստում տեղահանության, ցեղասպանության պատասխանատվությունից խուսափելու համար․ վերլուծական

zham.am-ը գրում է․

Այն, որ Նիկոլ Փաշինյանն ու իր խունտան իրենց ծրագրերից «դուրս են գրել» Արցախի ճակատագրի հարցը, ակնհայտ փաստ է։ Ալեն Սիմոնյանը նույնիսկ ցինիկաբար հայտարարում է, որ Ղարաբաղի հայերի անվտանգությունն ավելի շատ պետք է մտահոգի Ռուսաստանին ու ռուսներին, այլ ոչ թե իրեն։ Այս մարդկանց բարոյական բնութագրի մասին խոսելն անիմաստ է, նրանք ավարտված ֆիգուրներ են։ Նրանց անունները հայ ժողովրդի պատմության մեջ գոյակցելու են Թալեաթ փաշայի և Էնվեր փաշայի անունների կողքին։ Սակայն դրանց տերերի նպատակներն ավելի ռազմավարական բնույթ ունեն՝ հայաթափել ոչ միայն Արցախի, այլ ողջ Հայաստանի, և դա անել, որպեսզի Թուրքիան և Ադրբեջանը միաձուլվեն մեր տարածաշրջանում և մահացու բռունցք դառնան Իրանի և Ռուսաստանի դեմ։

Հայաստանում այս ծրագրի իրականացման գործիքները Փաշինյանն ու նրա խունտան են, որոնց օգնությամբ պետք է կյանքի կոչել այս հրեշավոր ծրագիրը։ Այս ծրագրի առաջին քայլը Արցախի կործանումն է, սակայն, որպեսզի այս քայլից հետո հնարավոր լինի պահել Նիկոլին իշխանության ղեկին այս ծրագրի երկրորդ և երրորդ քայլերի համար անհրաժեշտ են, որ Ղարաբաղի կործանման պատասխանատվությունը, տեղի հայերի ցեղասպանությունը բարդվի Ռուսաստանի Դաշնության վրա: Այսօր մենք ականատեսն ենք հենց այս հատուկ գործողությանը։

Արցախի կործանումից հետո երկրորդ քայլը պետք է լինի Հայաստանում հակառուսական հիստերիայի ստեղծումը, որի արդյունքում ռուսական զորքերը դուրս կբերվեն Հայաստանից, իսկ դրանից հետո ադրբեջանական բանակը կմտնի Սյունիք՝ Նախիջեւանի հետ անխափան կապ ապահովելու համար։

Արևմուտքը ֆիկտիվ կերպով կդատապարտի «Ադրբեջանի բարբարոսական քայլը», բայց դե ֆակտո կճանաչի ադրբեջանական կողմից Սյունիքի գրավումը, քանի որ դրա շնորհիվ Ադրբեջանն ու Թուրքիան վերջապես կստանան ընդհանուր սահման, որը կհեշտացնի Ադրբեջանը՝ Ռուսաստանի և Իրանի դեմ ռազմակայանի վերածմանը:

Մնալով «թուրքական շրջափակման պարկի մեջ»՝ մնացած Հայաստանն այլևս ոչ մեկին պետք չի լինի։ Երեւանի, Գյումրիի, Վանաձորի հայության տարհանման հարցը միայն ժամանակի հարց է դառնալու: Հասկանալի պատճառներով Նիկոլ Փաշինյանը և նրա փոքրիկ խունտան վարձատրվելու են իրենց ծառայությունների դիմաց և ապահով ապաստարան կգտնեն Նյու Յորքում, Լոնդոնում կամ Փարիզում։

100 տարի առաջ Արեւմտյան Հայաստանի պատմությունն ավարտվեց Թալեաթ փաշայի ու նրա ընկերների պատճառով, իսկ այս իրադարձություններից մեկ դար անց կավարտվի Արեւելյան Հայաստանի պատմությունը Նիկոլ Փաշինյանի ու նրա ընկերների շնորհիվ։ Հենց այս ճանապարհով են բնաջնջվում այն ​​ժողովուրդները, ովքեր ճիշտ ժամանակին ի վիճակի չեն դիմակայելու իրենց գլխին կախված սպառնալիքներին։

Հենց այսպես, ժամանակին բազմաթիվ ազգեր ոչնչացվեցին Հյուսիսային և Հարավային Ամերիկաներում, Մերձավոր Արևելքում, Աֆրիկայում, Եվրոպայում և Եվրասիայում: Հնարավո՞ր կլինի կանգնեցնել«պատմության այս անիվը», կախված է հայ ժողովրդից և առանձին Հայաստանի յուրաքանչյուր քաղաքացուց։

Սա է իրականությունը