Փաշինյանն իր թվիթերյան գրառումով հակասում է ինքն իրեն․ Տիգրան Աբրահամյան

«Իշխող ուժի  հայտարարությունները ցույց են տալիս, որ Հայաստանը գնում է ճիշտ հակառակ ուղղությամբ, քան նախատեսված է պայմանական ռուսական սցենարով»,- այս մասին այսօր Լազարևյան ակումբում աել է ԱԺ «Պատիվ ունեմ» խմբակցության քարտուղար Տիգրան Աբրահամյանը:

«Վալդայ» ակումբից հնչած ՌԴ պաշտոնական տեսակետին՝ Նիկոլ Փաշինյանը արձագանքեց թվիթերյան գրառումով՝ նշելով, որ դեմ չէ ռուսաստանյան առաջարկներին և դրանք ընդունել է դեռ սեպտեմբեր ամսին ու Սոչիում պատրաստ է դրանք քննարկել այն դեպքում, երբ օրերս ԱԺ-ում նշում էր, թե հարցեր կան հղելու այդ ձևաչափի շրջանակում։

Տիգրան Աբրահամյանը դժվարանում է մեկնաբանել Նիկոլ Փաշինյանի վարած քաղաքականությունը՝ այն առումով, որ շատ դեպքերում իրական քայլեը ցույց են տվել հակասույթւոներ՝ խոսքի և գործի միջև։

Հայաստանի քաղաքական էլիտայի հայտարարություններն ըստ պատգամավորի՝  բանակցային գործընթացում նշաձող իջեցնելու մասին են, Արցախն Ադրբեջանի կազմում մտցնելու և Արցախը պաշտպանելու ռեսուրսներ չունենալու մասին։

Նրա խոսքով՝ ՀՀ իշխանություններն արդեն  հրաժարվել են ոչ միայն Արցախի ճակատագրի հետ կապված քննարկումից, այլև իրականության մեջ Հայաստանը սցենարային առումով համաձայնություն է տվել այն զարգացումներին, որը ենթադրում է Արցախն Ադրբեջանի կազմ փոխանցել՝ Ադրբեջանի տարածքային ամբողջականության ճանաչման ճանապարհով։