Կիևի ռեժիմի հանցագործությունները անպատասխան թողնել պարզապես անհնար է․ Պուտին

Ղրիմի կամրջի վրա ահաբեկչությունն ուղղված է քաղաքացիական ենթակառուցվածքների ոչնչացմանը։ Այդ մասին այսօր իր ուղերձում ասել է ՌԴ նախագահ Վլադիմիր Պուտինը։

«Կիևի ռեժիմն իր գործողություններով հավասարվել է ահաբեկիչների մակարդակին։ Անհնար է անպատասխան թողնել Կիևի ռեժիմի հանցագործությունները։

Այսօր առավոտյան ՌԴ պաշտպանության նախարարության առաջարկով եւ ԳՇ ծրագրով՝ զանգվածային հարված է հասցվել Ուկրաինական ենթակառուցվածքի օբյեկտներին ՝ էներգետիկ ենթակառուցվածքին, ռազմական կառավարմանը եւ կապին։

Կիևի կողմից նոր դիվերսիաների փորձերի դեպքում Ռուսաստանը հետագայում ևս կոշտ և սիմետրիկ պատասխան կտա»,- ընդգծել է ՌԴ նախագահը։

ՌԴ նախագահը նաև պատմել է ուկրաինական իշխանությունների փորձերի մասին՝ պայթեցնել «Թուրքական հոսք» գազատրանսպորտային համակարգի հատվածներից մեկը։