Ռոբերտ Ղուկասյանը, Գնել Սանոսյանն ու մի շարք անձինք պետական պարգևների են արժանացել

Հայաստանի նախագահ Վահագն Խաչատուրյանը հրամանագիր է ստորագրել մի շարք անձանց պետական պարգևներով պարգևատրելու մասին։ Հրամանագրում նշված է․

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի և «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի.

Լեռնային Ղարաբաղից բռնի տեղահանվածներին ցուցաբերած մարդասիրական օգնության և աջակցության, ինչպես նաև մասնագիտական բարձր պատրաստվածության և նվիրումի համար պարգևատրել.

«Հայրենիքին մատուցած ծառայությունների համար» 2-րդ աստիճանի շքանշանով՝

Գնել Հենզելի ՍԱՆՈՍՅԱՆԻՆ տարածքային կառավարման և ենթակառուցվածքների նախարար

«Հայրենիքին մատուցած ծառայությունների համար» 1-ին աստիճանի մեդալով՝

Դավիթ Սերգեյի ՍԱՆԱՄՅԱՆԻՆ Ազգային անվտանգության ծառայության գլխավոր վարչության պետ, գեներալ-մայոր

Էդգար Սերգեյի ՀՈՒՆԱՆՅԱՆԻՆ Ազգային անվտանգության ծառայության սահմանապահ զորքերի հրամանատարի առաջին տեղակալ-շտաբի պետ, գնդապետ

Արման Արկադիյի ԱԴԻԼԽԱՆՅԱՆԻՆ փոխվարչապետ Տիգրան Խաչատրյանի գրասենյակի ղեկավար

Մխիթար Գոշի մեդալով՝

Ռոբերտ Վլադիմիրի ՂՈՒԿԱՍՅԱՆԻՆ Հայաստանի Հանրապետության Սյունիքի մարզպետ

Մխիթար Հերացու մեդալով՝

Հովհաննես Արտաշեսի ՀՈՎՀԱՆՆԻՍՅԱՆԻՆ Այրվածքաբանության և մաշկաբանության ազգային կենտրոնի տնօրեն

Երախտագիտության մեդալով՝

Հովհաննես Ավետիքի ՀԱՐՈՒԹՅՈՒՆՅԱՆԻՆ տարածքային կառավարման և ենթակառուցվածքների նախարարի տեղակալ

Ռոման Խաչիկի ՍԱՀԱԿՅԱՆԻՆ Ազգային անվտանգության ծառայության սահմանապահ զորքերի շտաբի պետի տեղակալ, գնդապետ

Ռոբերտ Վոլոդյայի ՂԱՐՍՈՅԱՆԻՆ Ազգային անվտանգության ծառայության սահմանապահ զորքերի սահմանային վերահսկողության ջոկատի պետ, գնդապետ

Աննա Հովսեփի ՄԱԿԱՐՅԱՆԻՆ ներքին գործերի նախարարության միգրացիայի և քաղաքացիության ծառայության անձնագրային և վիզաների վարչության անձնագրային բաժնի պետ

Դավիթ Սլավիկի ՀՈՎՀԱՆՆԻՍՅԱՆԻՆ ներքին գործերի նախարարության փրկարար ծառայության Սյունիքի մարզային փրկարարական վարչության պետ, փրկարարական ծառայության գնդապետ

Վարդան Բագրատի ՄԿՐՏՉՅԱՆԻՆ ներքին գործերի նախարարության ոստիկանության Սյունիքի մարզային վարչության պետ, ոստիկանության փոխգնդապետ

Էդուարդ Գրիգորի ՊԵՏՐՈՍՅԱՆԻՆ աշխատանքի և սոցիալական հարցերի նախարարության միասնական սոցիալական ծառայության պետ

Վարդան Գագիկի ՍԱՐԳՍՅԱՆԻՆ արտաքին գործերի նախարարության լրատվության և հանրային դիվանագիտության վարչության լրատվամիջոցների հետ կապի և հանրային դիվանագիտության բաժնի վարիչի պաշտոնակատար»: