Փաշինյանը լեգիտիմ հիմք տվեց Ադրբեջանին պատերազմ սկսելու համար. zham.am

zham.am-ը գրում է.

«Փաշինյանի այսօրվա հայտարարությունները պետական դավաճանության մասին ցցուն ինքնախոստովանություն էր:

Խոսքը ոչ դատարանների, ոչ էլ Քոչարյանի մասին է: Այսօր այդ հարցերը մղվեցին երկրորդ պլան: Փաշինյանն` ի լուր աշխարհի հայտարարեց, որ եթե Ադրբեջանի և Արցախի Հանրապետության մեջ բռնկվի պատերազմ, ապա դրա հիմնական մեղավորը կլինի Հայաստանի ու Արցախի նախկին իշխանությունները: Ադրբեջանում այս սենսացիոն հայտարարությունը Փաշինյանի կողմից մեծ նվեր են համարում: Քանի որ, այս պահից սկսած ցանկացած պատերազմական գործողություն կարելի է բարդել Հայաստանի ու Արցախի վրա: Կապ չունի, թե Հայաստանի կողմից պատերազմը ով է հրահրել, նշում են ադրբեջանցիները: Այսպիսով, Ադրբեջանի կողմից պատերազմ սկսելու լեգիտիմ հիմքը տրված է: Եվ դա տվել է անձամբ ՀՀ վարչապետ՝ Նիկոլ Վովայի Փաշինյանը: Կանխամտածված է դա արել Փաշինյանը, թե ոչ, դա արդեն այլ հարց է:

Կարող ենք արձանագրել, որ այս պահից սկսած Հայաստանի ու Ղարաբաղի անվտանգությունը դարձել է չափազանց խոցելի: Սակայն էլ ավելի վտանգավոր է երկրի թիկունքում ունենալ այսպիսի «ղեկավար», որի իրական առաքելության հարցը շատ արագ դառնալու է լուրջ քննարկման առարկա:

Ո՞վ է քաղաքացի Փաշինյանը և ու՞մ շահերն է նա սպասարկում հարցադրումը դառնում է ամենաակտուալ խնդիրը` դրանից բխող հետևանքներով»: