24 03 2021

Մեկ տարում սահմանային բժշկասանիտարական կետերը հսկողություն են իրականացրել 587 885 ՀՀ ժամանող անձանց նկատմամբ

Մեկ տարում սահմանային բժշկասանիտարական կետերը հսկողություն են իրականացրել 587 885 ՀՀ ժամանող անձանց նկատմամբ

Կորոնավիրոսային (COVID-19) համավարակով պայմանավորված Տեսչական մարմնի Սահմանային բժշկասանիտարական հսկիչ կետերը 2020 թվականի հունվարի 24-ից մինչ օրս աշխատում են ուժեղացված աշխատանքային ռեժիմով, հաղորդում է Առողջապահական և աշխատանքի տեսչական մարմինը:

2020 թվականի մարտ ամսից հսկողություն է իրականացվել (հեռավար ջերմաչափում, արտաքին զննում, սերտիֆիկատների ստուգում, ծանուցագրերի և տեղեկաթերթերի տրամադրում) տարբեր երկրներից ժամանած.

-2 508 չվերթով,

-199 946 ավտոտրանսպորտային միջոցով,

-1 447 գնացքով ժամանած

587 885 ՀՀ ժամանող անձանց նկատմամբ (այդ թվում ուղևորներ, փոխադրող անձնակազմ)։

Ծանուցագրեր և ինքնամեկուսացման տեղեկաթերթիկներ է տրամադրվել 283 475 ուղևորի, գնացքի և օդանավի անձնակազմի անդամների։

Հայտնաբերվել է վարակիչ հիվանդությունների ախտանշաններ ունեցող 304 անձ, որոնցից, 258 կորոնավիրուսային վարակի կասկածով հոսպիտալացվել են։

Կազմակերպվել է 2 761 տարանցիկ ուղևորների, այդ թվում նաև Վրաստանի Հանրապետության քաղաքացիների, սահմանված կարգով դիմավորումը և ուղեկցումը դեպի նախատեսված փոխադրամիջոցներ:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ